ڕێیەكی سەرەكی بەڕووی بارهەڵگرەكان داخرا

:: AM:09:49:16/09/2020 ‌
بەڕێوەبەری هاتوچۆی كۆیە ڕای دەگەیەنێت، ڕێی هەیبەسوڵتان بۆ شوفێرانی بارهەڵگر ڕادەگیرێت و نۆژەنكردنەوەی ڕێی كلكەسماق تەواو بووە و ئێستە دەتوانن بەكاری بهێنن.

ئەمڕۆ چوارشەم 16ـی ئەیلوول، زاهیر محەمەد بەڕێوەبەری هاتوچۆی كۆیە بە "وشە"ـی ڕاگەیاند، پێویستە شوفێرانی بارهەڵگر ڕێی هەیبەسوڵتان بەكار نەهێنن، لە ئەمڕۆوە ڕێی دەشتی كۆیە و كلكەسماق چاك كراوە و دەتوانن بەكاری بێنن.

بەكارهێنانی ئەو ڕێیە لەلایەن شوفێرانی بارهەڵگر وادەكات بەرەو تێكچوون بچێت
بەڕێوەبەری هاتوچۆی كۆیە گوتی، ڕێی هەیبەسوڵتان بەڕووی شوفێرانی بارهەڵگر داخراوە، لەبەرئەوەی دانیشتووانی كۆیە و شارەدێیەكان و میوانانیش بۆ كات بەسەربردن دێنە ناوچەی گەشتیاریی چنارۆك و  هەیبەسوڵتان، بۆیە ئەو رێیە ناشێ بۆ ئۆتۆمبێلی بارهەڵگر و لۆدێكی زۆری دەكەوێتە سەر كە گرفتێكی زۆری بۆ هاتوچۆی دانیشتووانی كۆیە دروست كردووە.

باسی لەوەش كرد، بەكارهێنانی ئەو ڕێیە لەلایەن شوفێرانی بارهەڵگر وادەكات بەرەو تێكچوون بچێت و بەرگەی ئەو هەموو ئۆتۆمبێلە بارهەڵگرە نەگرێت.

ڕێی كلكەسماق ماوەی دوو مانگ بوو لە ژێر نۆژەنكردنەوەدا بوو، ئەوەیش وایكرد هاتوچۆی هەولێر لەو سنوورە كێشەی هەبێت و بێزار بن بەهۆی بوونی بارهەڵگرەكان لەو ڕێیانە.




وشە - رامیار جەواد

ئه‌م بابه‌ته 208 جار خوێنراوه‌ته‌وه‌‌