بو ئێكه‌مجار ل كوردستانێ دراما پولیسى ل دهۆكێ هاته‌ چێكرن

:: PM:06:50:28/09/2020 ‌

ده‌مه‌كه‌ كومه‌كا هونه‌رمه‌ند و زارڤه‌كه‌ر و ئه‌كته‌رێن پارێزگه‌ها دهۆكێ ب هه‌ڤكاریا كومپانیه‌كێ بزاڤێ ل سه‌ر به‌رهه‌مێینانا ئێكه‌مین دراما پۆلیسى ل هه‌رێما كوردستانێ دكه‌ن، د نوكه‌ دا ئه‌و دراما داوى هات و دهێته‌ په‌خشكرن.

شینوار كه‌مال، ده‌رهێنه‌رێ دراما ڤه‌كولین ل دهۆكێ بۆ "وشه‌" گۆت، سوپاس بۆ خودێ پشتى هه‌ول و بزاڤێن زۆر ل داویێ ئه‌م شیاین ئێكه‌مین دراما پۆلیسى ل كوردستانێ ل پارێزگه‌ها دهۆكێ به‌رهه‌مبینین.

زێده‌تر گۆت "دراما پۆلیسى ل هه‌رێما كوردستانێ دراماییه‌كا نوێ یه‌ و به‌حس ل روودانێن ژێوارى ل كوردستانێ دكه‌ت ب تایبه‌تى روودانێن جڤاكى و كوشتن، د یٔه‌نجام دا ستافه‌كێ پولیسى دووڤچوونێ ل سه‌ر راستیا روودان و تاوانباران دكه‌ت هه‌تاكو دهێنه‌ گرتن، دراما ژلایێ كومپانیا پالو بۆ په‌خش و راگه‌هاندنێ هاتیه‌ به‌رهه‌مێینان و نوكه‌ ل ئێك ژ كه‌نالێن دهۆكێ دهێته‌ په‌خشكرن"

ده‌رهێنه‌رێ ناڤبرى دیاركر ژى كو دراما ژ نڤیسین و ده‌رهێنه‌ریا وى بخوه‌یه‌ و چێرۆكێن وێ ژ كه‌سانێن تووشى روودانان بویى هاتینه‌ وه‌رگرتن و گۆت ژى "هه‌رئێك ژ شه‌وكه‌ت ئه‌مین كوركى وه‌كو پرودیوسه‌ر و رێكێش شه‌هباز و یاڤان جه‌مال و جڤین مه‌هدى وه‌كو ئه‌كته‌ روولێ سه‌ره‌كى دبینن، دیسان كومه‌كا ئه‌كته‌ر و وێنه‌گر و ستافێ خودان یٔه‌زموون و شاره‌زایى دوارێ هونه‌رى و وێنه‌گرتنێ دا كارتێدا كریه‌، دوو خه‌له‌ك هاتینه‌ په‌خشكرن و خه‌لكه‌كێ زۆر ده‌ستخوشى ل مه‌ كریه‌ و بینه‌رێن خوه‌ هه‌بویه‌"

شینوار كه‌مال، ده‌رهێنه‌رێ دراما ڤه‌كولین ل دهۆكێ كو پترى 10 ساله‌ ئه‌زموون دوارێ درامایێ دا هه‌یى د درێژاهیا ئاخفتنێن خودا دیاركر ژى كو هه‌تا نوكه‌ ل هه‌رێما كوردستانێ دراما كوردى نینه‌، یٔه‌ڤا دهێته‌كرن تنێ بزاڤ و هه‌ولدانن و گۆت ژى "هه‌موو یٔه‌و مه‌زاختن و تێچویێ مه‌ ل دراما ڤه‌كولین مه‌زاختى، دبیت نه‌بیته‌ هندى مه‌زاختیێ ئه‌كته‌ره‌كێ كو ب رێیا دراما جیهانى وه‌رگرن، له‌وا گرنگه‌ ئه‌ڤرۆ وێڤه‌ ئه‌م ژى بزاڤان بكه‌ین ببینه‌ خودان دراما خومالى، ژبه‌ركو مه‌ دیروك و شارستانى و روودانێن جڤاكى و هه‌تا دوماهیێ هه‌نه‌ و پێدڤى یه‌ ب رێیا درامایێ بگه‌هینین جڤاكێ خوه‌ و وان ل سه‌ر بنه‌مایه‌كێ راستگو و دروست په‌روه‌رده‌ بكه‌ین چونكى دراما بیانى كونترولا كه‌نالێن راگه‌هاندنێ و جڤاكێ مه‌ ژى كریه‌ و دبیت كارتێكرن ژى هه‌بن"

دیرۆكا درماا پۆلیسى دزڤریت بۆ چه‌رخێ نوزدێ، روله‌كێ كارتێكه‌ر ل جیهانا سینه‌مایى هه‌یه‌ و ل هه‌موو وه‌لاتێن جیهانێ ژى هه‌یه‌.


وشە - نەوزاد هلۆری

ئه‌م بابه‌ته 262 جار خوێنراوه‌ته‌وه‌‌