ده‌مه‌كێ كێم به‌رى نوكه پارێزگارێ دهۆكێ پێشوازى ل ئولیڤى دیكیوتینى كونسولێ گشتیێ وه‌لاتێ فه‌ره‌نسا ل كوردستانێ كر، د رونشته‌كێ دا به‌حس ل پشته‌ڤانیا فه‌ره‌نسا بۆ پارێزگه‌ها دهۆكێ هاته‌كرن.
دكومبوونێ دا، كونسولێ فه‌ره‌نسا دیاركر كو فه‌ره‌نسا وه‌كو ده‌ستپێشخه‌رى و هاریكارى بۆ گه‌شه‌پێدانا پارێزگه‌ها دهۆكێ دێ كوژمێ 15 ملیون یوررویا پشته‌ڤانیا پارێزگه‌ها دهۆكێ د چه‌ند پرۆژێن جودا دا كه‌ت، ب گشتى 500 هزار كه‌س و 60 هزار قوتابى دێ مفاى ژ پرۆژێن وان وه‌رگرن و دێ دده‌ما سێ سالان دا هێنه بجهكرن.
ژلایێ خوڤه پارێزگارێ دهۆكێ، عه‌لى ته‌ته‌ر، سوپاسیا پشته‌ڤانیا وه‌لاتێ فه‌ره‌نسا و هاریكاریێن وان یێن به‌رده‌وام كر و خوسات ئه‌ڤ جوره هاریكارى و پرۆژه بۆ پارێزگه‌ها دهۆكێ و هه‌رێما كوردستانێ به‌رده‌وام بن.
دهێته زانین ئه‌ڤ هاریكاریه دێ ب رێیا ئاژانسا په‌ره‌پێدانا فره‌نسا هێته مه‌زاختن وب رێیا ئاژانسێن ئه‌لمانى دێ هێته بجهكرن و چه‌ندین پرۆژه یێن خزمه‌تگوزارى دبیاڤێن جودا جودا ل سنورێ پارێزگه‌هێ بخوڤه دگرن.