وەیس نایف: حکوومەتی عێراق دەتوانێ بەئاسانی پەکەکە لە شنگال دەرکات

:: PM:02:04:27/10/2020 ‌
سەرۆکی پێشووی ئەنجوومەنی شارەدێی شنگال گوتی، ئەو ھاشوھۆشەی پەکەکە دەیکات و خەڵکی خۆی دێنێتە سەر شەقام و ھەرەشە دەکات ھیچ سوودی نییە، حکوومەتی عێراق دەتوانێ لەماوەیەکی کەمدا دەریان بکات.

وەیس نایف سەرۆکی پێشووی ئەنجوومەنی شارەدێی شنگال بە "وشە"ی گوت، ئەو ھاشوھۆشەی پەکەکە لە شنگال و میدیای خۆیان دەیکات و ھەڕەشەی شەڕ دەکەن و ناچنە دەرێ لە شنگال، تەنیا چەند کەسێکن و دەیانەوێت لەڕێی ئەوانەوە وابکەن لە شنگال بمینێنەوە، ئەگەر نا بڕیار درا کە لەشنگال دەربکرێن و تازە کۆتایی پێ ھاتووە.

وەیس نایف گوتی، پەکەکە راست ناکات کە دەڵێت خەڵکی شنگال لەگەڵ ئەوانە، چونکە 80%ـی خەڵک لە ھەرێمی کوردستانن و پشتگیریی لە حکوومەتی ھەرێم دەکەن و دژی پەکەکەن، بەھۆی نەبوونی حکوومەتی ھەرێم لە شنگال نەگەراونەتەوە و ئەوانەی لە شنگالیشن دژی پەکەکەن، بۆیە ئەگەر حکوومەتی عێراق بیەوێت لە ماوەیەکی کەمدا دەریان دەکەن و ناتوانن یەک شتیش بکەن.

زیاتر گوتی، ئەوەی پەکەکە دەیکات بۆ بەرژوەندیی خەڵکی شنگال نییە و بۆ ئەوەیە ئەو قاچاغچیاتیەی لە شنگال دەیکەن لەدەستیان نەچێت، بۆیە لەرێی میدیوەا جنێو دەدەن و چەند کەسێکیان ھێناوە گوایە خۆپیشاندان دەکەن ئەمەش ھیچ سوودی بۆ ئەوان نابێت.

هەولێر/ بڵند ئیبراھیم 


وشە - ڕێناس شابان

ئه‌م بابه‌ته 1864 جار خوێنراوه‌ته‌وه‌‌