ئەو كەسەی چەند ساڵێك بوو لە نیویۆرك تایمز بە توندی رەخنەی لە دۆناڵد ترەمپ دەگرت و بەردەوام وتاری لەبارەی بڵاو دەكردەوە، ناوی خۆی ئاشكرا كرد.
نووسەرەكە مایلز تیلۆر سەرۆكی پێشووی فەرمانبەرانی وەزارەتی ئاسایشی ناوخۆیی ئەمەریكایە و چەند رۆژێك بەر لە هەڵبژاردنی ئەمەریكا، دەیەوێت بە ئاشكرا پەیامی خۆی بگەیەنێت.
لە نوێترین وتاردا كە مایلێر بڵاوی كردووەتەوە، دیسان بە توندی لەسەر ترەمپ شتی نووسیوە و گوتوویەتی ئەو سەرۆكە پێشتر بە هەڵە هاتووەتە هەڵبژاردن و شایانی ئەو پۆستەی نەبووە، بۆیەش دەبێ خەڵك هەڵەكەیان راست بكەنەوە.
بەگوێرەی
شەفەقنا، ئەو نووسیویەتی "ئەوە ئێمەین چارەنووس و داهاتووی ترەمپ دیاری دەكەین و ئایندەی ترەمپیش بە واتای ئایندەی ئەمەریكا دێت، نە ترەمپ شایانی ئەوەیە جارێكی تر ببێتەوە سەرۆك و نە خەڵكی ئەمەریكاش شایانی ئەوەن ئەو ژیانە سەختەیان هەبێت."
ترەمپیش وەڵامی دایەوە و گوتی كەسێكی هیچە
دوای ئەوەی تیلۆر ناوی خۆی ئاشكرا كرد، ترەمپیش وەڵامی دایەوە و گوتی "كەسێكی هیچە، نەناسراو واتە هیچ و دیارە كارمەندێكی ناڕازی بووە كە لەمێژە لە كارەكەی دوور خراوەتەوە، راستییەكەی هەر نایناسێت كێیە."
پێویستە بگوترێ سێشەمی داهاتوو هەڵبژاردنی ئەمەریكا بەڕێوە دەچێت و بەپێی زۆربەی راپرسییەكانیش بایدن لە پێشەوەی ترەمپە.