ب مهرهما خزمهتكرنا خهلكێ دهڤهرێ و پهیداكرنا دهلیڤێن كارى و گرنگیدان ب بهرههمێ نافخوه و پێدڤیێن بازاڕى، چوار پرۆژێن هێلكان دێ ل پارێزگهها دهۆكێ هێنه چێكرن، ئێك ژ وان دهستپێكریه و د قوناغا دوماهیێ دایه.
رێدیر سدقى، رێڤهبهرێ پشكا سامانێن ئاژهلى یا سهر ب رێڤهبهریا گشتى یا چاندنێ ل پارێزگهها دهۆكێ بۆ "وشه" گۆت، چوار پرۆژێن هێلكان ل سنوورێ دهڤهردارییا سێمێل یا سهر ب پارێزگهها دهۆكێ دێ هێنه چێكرن.
زێدهتر گۆت، ئێك ژ وان پرۆژان ل قوناغا دوماهیێ دایه و ل نێزیك دێ كهڤیته كارى، بهلێ مامهلێن چێكرنا سێ پرۆژان ژى هێشتا ب رێڤهنه و بهردهوامن ل چێكرنێ، پرۆژێ نوكه دهێته چێكرن، دوو هولێن مهزن كو ههر ئێك ژ وان 150 هزار مریشكان بخوڤه دگریت و بهرههمێ وان دێ رۆژانه 350 كارتونێن هێلكان بیت د قوناغا ئێكێ دا داوى هاتیه، قوناغا دوویێ ژى دێ هێته چێكرن و ئهو ژى ل چهند هولان پێكدهێت، ئهگهر چ كێشه دروست نهبن ئهڤ ساله دێ داوى هێت و كهڤیته د خزمهتا وهلاتیان دا و خزمهتهكا باش بۆ جوتیار و خهلكێ دهڤهرێ كهت ب تایبهتى د دابینكرنا دهلیڤێن كارى و بهرههمێ خومالى بۆ بازاڕان.
ناڤبرى دیاركر ژى كو ب چێكرنا ڤان پرۆژان ئێدى هێلكا بیانى ناهێته دناڤا بازارێن ههرێما كوردستان و پارێزگهها دهۆكێ دا و گۆت ژى، دنوكه دا هێلكا خومالى جهێ هێلكا بیانى گرتیه، ئهم خوازین كو زێدهتر گرنگى ب چێكرنا ڤان جوره پرۆژان بدهین ل ههموو دهڤهرێن پارێزگهها دهۆكێ.