پارێزگەها دهۆکێ شەهیدکرنا وەلاتیەکی دهۆکێ ژلایێ پەکەکێ شەرمزار کر

:: AM:11:44:23/02/2021 ‌
پارێزگەها دهۆکێ ڕەڤاندن، دەستەسەرکرن، زیندانکرن و شەهیدکرنا وەلاتی جوتیار موحسن سیاری، کو خەلکێ  پارێزگەها دهوکێ یە، ژلایێ چەکدارێن پەکەکێ رسوا و شەرمزار کر.

پارێزگەها دهۆکێ راگەهاندنەک ل بارا شەهیدکرنا وەلاتیەکی دهۆکێ ل چیایێ گارەی بەلاڤکر و تێدا دبێژیت، ڕەڤاندن، دەستەسەرکرن، زیندانکرن و شەهیدکرنا هاولاتی جوتیار موحسن سیاری، کورێ پارێزگەها دهوکێ ژلایێ چەکدارێن پەکەکێ ڤە رسوا و شەرمزار دکەین.

د راگەهاندنا وان دا زێدەتر هاتیە، گرتن و زیندانکرنا وەلاتیان بتنێ کارێ دام و دەزگەهێن دادوەریێ یە کو د چوارچوڤێ یاسایێ دا دهێتە ئەنجامدان و دەرڤەی ڤان دەزگەهان کارەکێ نایاسایی و نامروڤانەیە و ب تەعداکرن ژ خەلکێ کوردستانێ دهێتە هەژمارتن.

ناڤەراستا سالا 2020ێ گەنجەکێ باژێرێ دهۆکێ بناڤێ جوتیار موحسن ب تومەتا دەست هەبون ل گەل هەوالگیریا تورکیا ژلایێ گەریلایان هاتە گرتن، ل رێکەفتی 14ێ شوباتا2021ێ د چارچوڤێ ئوپراسیوونا چیایێ گارەی ل گەل 14 گرتیێن تورک کو ژلایێ گەریلابوون ژلایێ بالەفرێن تورکیا هاتنە کوشتن و جوتیار ژی ل گەل وان شەهیدبوو، دوهی تەرمێ وی گەهشتە دهۆکێ و ل گورستانا شاخکێ هاتە ڤەشارتن.



وشە - تایبه‌ت

ئه‌م بابه‌ته 45 جار خوێنراوه‌ته‌وه‌‌