لەماوەی مانگی ڕابردووی لە رۆژهەڵاتی كوردستان 16 كۆڵبەر و كاسبكار لە سنوورەكانی كوردستان كوژراون و یان بریندار بوونە.
ئەمڕۆ سێشەم دووی ئادار، ڕێكخراوی هەنگاو بۆ مافەكانی مرۆڤ بڵاوی كردووەتەوە، بەپشتبەستن بە ئاماری تۆماركراو لە ماوەی مانگی ڕابردوو 16 كۆڵبەر لە سنوورەكانی كوردستان كوژراون و بریندار كراون كە 56%ـی ئەو كوشتن و بریندار كردنانە بە تەقەی ڕاستەوخۆی هێزە چەكدارەكانی ئێران بووە.
زیاترین ژمارەی كوژران و بریندار لە پارێزگاكانی سنە تۆمار كراوە كە 10 حاڵەت بووە.
باس لەوەشكراوە، لە مانگی ڕابردوو حەوت كۆڵبەر و كاسبكار كوژراون و نۆ كۆڵبەریش بریندار بوونە و زیاترین ژمارەی كوژران و بریندار لە پارێزگاكانی سنە تۆمار كراوە كە 10 حاڵەت بووە.
ئاشكرا كراوە، چۆنێتی كوژران یان بریندار بوون بە تەقەی ڕاستەوخۆ نۆ حاڵەت بووە كە سێ كوژران و نۆ بریندار بووە و بە ڕووداوی سروشتیش حەوت حاڵەت بووە كە چوار كوژران و سێ بریندار بوون هەبووە.