نووترین پهرتووك ژلایێ نڤیسهر پاوان تهتهر نێروهی هاته بهلاڤكرن و تایبهته ل سهر نهتهوه و ئاسایشێ، وهكو نڤیسهر دبێژیت ئهڤێ پهرتووكێ روولهكێ كارتێكهر د بزاڤا ئاسایشێ دا ههیه.
پاوان تهتهر نێروهی بۆ "وشه" گۆت، پشتی ههول و بزاڤێن زۆر سوپاس بۆ خودێ داویێ شیام نووترین پهرتووكا خوه بناڤێ نەتەوە و ئاسایێش چاپ و بهلاڤ بكهم و نوکە ل وەشانخانە و پەرتوکخانێن دهۆكێ و كوردستانێ ژی ل بهردهسته.
زێدهتر گۆت: (ئهڤ پهرتووکه شرۆڤهیهکا کویر یا هەردوو دهستهواژهیێن نهتهوه و ئاسایش دکهت و کا چهوا ئهڤ هەردو دهستهواژهیه د خانهیا چهمکێ ئاسایشا نیشتیمانی دا دهێنه جێگیرکرن، لەورا پەیڤا ئاساێشا نیشتیمانیNational Security بوویە چاوێلکەیا سەرەکی یا پەرتوکێ، تیۆری یێن هەرە گرنگ کو چهندهها سالن جهێ خۆ دناڤا زانستێن سیاسی و شروڤهکرنا فاکتهرێن سهقامگیری و ناسهقامگیریا ههر وەڵاتهکێ گرتی دێ هاتینە بهحسکرن، ئهڤ تیۆری یێن کو هاتینە بهحسکرن پێک دهێن ژ ریالیزم و لیبرالیزمێ کو ئهڤ هەردو تیۆری یێن کلاسیک چهندهها ساله شروڤهیا وان ئالنگاریان دکهن کو دبنه ئهگهرێ دروستبوونا گرژیێن کو دبنه ئهگهرێ تێکدانا سهقامگیریا جڤاکی، نیشتیمانی و نێڤدهولهتی. ههروهسا ل ههمان دهم دا لسهر ئێک بابهت دکوکن ئهو ژی پاراستنا ئاسایشا نیشتیمانییا وەڵاتییه، ئایا ناکوکیێن ڤان هەردو تیۆریان چنه و بۆچی هەردولا گرنگییهکا تایبهت ددهنه سهقامگیریێ، ب درێژی و پاڵپشتی ب ژێدەرێن جیهانی دناڤا ڤێ پەرتووکێ دا ب چەندەها نمونەیێن گرێدایی ب ڤان پرسێن ناڤهاتی هاتینە بەرباس، دیسان تیۆری یا سێ یێ فورێین پولسی ئانالایزە کو تهمهنهکێ گهنج ههیه و بهحس لسهر فاکتهرێن ههرێمی دکهت ل گهل چهوانییا سەرەدەرەیکرنا دەستهەڵاتێ ئانکو حکومهتێ و لایهنێ ناڤخۆ و لایهنێن دهرهکی ئانکو هێزێن دهرڤهی سنووری یان وەڵاتێن جیران، دیسان تیۆری یا چوارێ کونستروکتیڤیزمه کو ب پشتبهستن ب ڤان تیۆری یێن ناڤهاتی، دێ بهحس لسهر رۆلێ حکومهتا ههرێما کوردستانێ دناڤا هاوکێشهیێن سیاسی، سهربازی و ئاسایشێدا هێتهکرن.
نڤیسەرێ پەرتوکێ کو کورە پێشمەرگەیەکێ ئەیلولێ یه
ناڤبری دیاركر ژی كو ئهڤه پەرتووکهکا جیاوازە کو ژبلی خواندهڤان و وەڵاتی بشێت دناڤا ئهکادیمیا کوردی دا ل سهر ئاستێ زانینگههان ژ لایێ قوتابیان ڤه بهێته بکارئانین و ئاستێ تێگههشتنا ئاسایشا نیشتیمانی، پشتبهستن ب ژێدەرێن جیهانی دناڤا هەڤوەڵاتی و قوتابیان دا بلندتر بکهت و گوت ژی، گرنگە هەموو تاکێ کومەلگەهێ بزانن کو د پرسێن گرێدایی ب ئاسایێش و سەقامگیریێ چ دەمەکێ هەستێ مروڤان نابیتە ئامراز یان پیڤەرێ مامەلەکرنێ ل گەل هەر ئالنگاریەکا دهێتە پێش، لەورا گرنگە بو مە وەکە نەتەوەیا کورد ب گشتی و وهلاتیێن هەرێما کوردستانێ ب تایبەتی پاراستنا ئاسایێشا نەتەوەیی وەکە ئەرک بیت نەک مننەت، و وەکە نەتەوەیەکێ بێ دەولەتەکا سەربەخۆ کو مافێ رەوایێ گەڵێ مەیە هەول بدەین پێنگاڤ ب پێنگاڤ ل گەل گورانکاریێن ناوچەیی و نیڤدەوولەتی خوه بگونجینین و هەموو دەمەکێ گەر د یاریێن سیاسی دا سەرکەفتی نەبین ئاساییە ب گوهرینا پلانان ب وی مەرجی باندورێ لسەر ئاسایێش و سەقامگیریا کومەلگەها مە نەکەت و چو دەمەکێ وەکە تاک یان حزبەکا سیاسی هەوڵا گوهرینا ئارمانجا خو نەبین کو ئەو ژی دەولەتا سەربەخوویا کوردستانێ یە. چونکە ل داویێ د قادا نیڤدەوولەتیدا هەمی وەلاتەک هەولا پاراستنا بەرژەوەندیێن خو ددەن و ئەڤ چەندا ناڤهاتی ب چەندەها نمونەیان دڤێ پەرتوکێدا ب شێوەیەکێ دویر و درێژ بەحس هێتەکرن.
نڤیسەرێ پەرتوکێ کو کورە پێشمەرگەیەکێ ئەیلولێ یه و ژ بنەمالەیا میرێ شەهید تەتەر بەگێ دوویێ کو رولەکێ گرنگ د بزاڤا رزگاریخوازا کوردستانێ هەبوویە وهەڤدەم ل گەل شێخ عهبدولسەلام بارزانی دا هاتیە سێدارەدان د درێژاهیا ئاخفتنێن خوه دا گۆت ژی، ئەڤ پەرتوکە بو هێزێن پێشمەرگەیێن قەهرەمان کو هەموو دەمەکێ ب ئێک هێز و ئێک نەفەس و باوەری د هەر دەم و ساتەکێ دا د ئامادەنە بەرامبەر هەر هەڕەشەیەکا هەبیت. ئازادیا ئەڤرۆ و بەرهەمێ خوینا وان شەهیدانە کو بو پاراستنا سەرومالێن هاوولاتیان و ئاخا پیروزا کوردستانێ سینگێ خویێ پیروز کریە قەلغان زۆر گرنگه.