وێنەکێ کەڤن یێ مەلیک فەیسەلێ دوویێ کو ل ناوچەدارییا سەرسنکێ یا سەر ب دەڤەردارییا ئامێدیێ هاتیە گرتن، هاتە دیتن کو ل سالا 1943ێ هاتبوویە سەرسنکێ ل گەل خێزان و ماموستایەکا خوە یا بریتانی، وێنە دیروک و پێگەهێ ستراتیجیێ سەرسنکێ ژ روویێ سیاسی و گەشتوگۆزاری دیار دکەت.
کوڤان ئێحسان، شارەزایێ شینواری ل دهوکێ بۆ "وشە" گوت، وێنە ل سالا 1943ێ ل ناوچەدارییا سەرسنکێ ھاتیە گرتن، ل دەمێ رویدانێن 14ێ تیرمەھا 1958ێ کو ژ وێ روودانێ ئەرشیفێ مەلیکی ھەموو هاتە سوتن، پاشان خەلکی ژی شەلاند و بر، بەلێ ئەڤ وێنە ژ خالەتا مەلکی بناڤێ بەدیعا هاتبو پاراستن و ھەتا ساڵا 2002ێ د کتێبا خوە دا بناڤێ الامیره بدیعه وریپه العروش بەڵاڤکریە، کەسەکێ بناێ فائیق شێخ عەلی پێزانینێن وێ بەڵاڤکربوون.
ئەڤ وێنە گرنگی یا دیروکی و مێژویی یا سەرسنکێ نیشان ددەت
ا
زێدەتر گوت، د وێنەی دا دیار دبیت کو بەری قەسر ل سەرسنکێ بھێتە ئاڤاکرن، خانیەکێ وەکی کەپرێ ل وی جھی ھاتبوویە ئاڤاکرن، ھەتا دەست ب ئاڤاکرنا قەسرێ ل سال 1953ێ ھاتیە کرن، بەدیعا د کتێبا خوە دا دبێژیت کو چرداخەک ئاڤا کربوو و ئەم نوزانین کا مەرەما وێ چرداخ چیە، ل وی دەمی ژیێ مەلیکی ھەشت سال بوون، ژنەکا بریتانی بناڤێ روزەلیندا رامیرێس ئەو بخودان دکر و فێرێ ئەتیکێتێن مەلیکایەتی دکر، مەلیکی سوز دابوو ماموستایا خوە روزەلیندایێ کو عیراقێ بکەتە باغچێن ھەلاویستی، روزەلیندا ھەتا سالا 1946ێ ژی ل گەل مەلیک فەیسەلێ دوویێ بوو.
ناڤبری دیارکر ژی کو سەرسنکێ د 30 سالان دا ژ گوندەکێ بێسەر و بەر بویە خودانا بریارێن مەلیکی ل سەر ئاستێ عیراقێ ھەمیێ و گوت ژی، وێنێ ئێکی مەلیک فەیسەلێ دویێ ل سالا 1943ێ ل سەرسنکێ وێنێ دویێ ژی مەلیک فەیسەل ل گەل روزەلیندا رامێرێسا کو ماموستایا وی یا بەریتانی یە کو ل سالا ١٩٩٩ وەغەرکریە، ئەڤ وێنە گرنگی یا دیروکی و مێژویی یا سەرسنکێ نیشان ددەت کو خودان پێگەهەکێ گرنگ و ستراتیجی بویە دوارێ سیاسی و گەشتوگۆزاری و جوگرافی دا.
سەرسنک دکەڤیتە روژئاڤایێ دەڤەردارییا ئامێدیێب دوراتیا نێزیکێ 25کم، ئێکە ژ دەڤەرێن گەشتوگۆزاری ل کوردستانێ، خودان چەندین جهێن دیروکی و شینواری یە،