بریارا مەسروور بارزانی، سەرۆکێ حوکمەتا هەرێما کوردستانێ بریارا وەرگرتنا 35 دولاران هەمبەر ئەنجامدانا پشکنینا کۆرۆنایێ ب رێیا دەروازا ئیبراهیم خەلیل هاتە هەلوەشاندن.
دڤی واریدا گوھدار شێخۆ، سەرپەرشتێ ئیدارا سەربەخوەیی یا زاخۆ گوت، ب بریار و ڕاسپاردەیا مەسروور بارزانی، سەرۆکێ حوکمەتا ھەرێما کوردستانێ، ئەو بریارا وەرگرتنا 35 دولاران بۆ پشکنینا کۆرۆنایێ ل دەروازەا نیڤدەولەتی یا سنۆرێ ئیبراھیم خەلیل ھاتە ھەلوەشاندن.
زێدەتر گوت، هەر وەلاتی و گەشتیارەکێ کو پێشتر و بەری دوو ڕۆژان ژی پارە دایین، جارەکا دێ بۆ وان ھێنە ڤەگەراندن، ھەتا کو میکانیزمەکا نوو ھێتە دانان.
دەما دوو روژایە هەمبەر ئەنجامدانا پشکنینا کۆرۆنایێ 35 دولار ل وەلاتی و گەشتیاران دهێنە وەرگرتن، چ کارتا ڤاکسینێ هەبیت یان ژی نە، ئەو کەسێن کو ڤان دوو روژان پارە دایی دێ بۆ وان هێتە زڤراندن ڤە.