شوفێرەکێ ل سەر رێیا گشتی دناڤبەرا شێلادزێ و دێرەلووکێ ل نێزیک گوندێ باوان ل سنورێ دەڤەردارییا ئامێدیێ دوو دەوار دەعماندن و رەڤی یە، هەردوو دەوار ژی مرنە وەسا دیارە ب برینداری ژ سەرمادا مرنە.
شاهد حالەکێ کو ژ نێزیک چویە سەر جهێ روودانێ بۆ "وشە" گوت، دەدەکێ کێم بەری نوکە ئەز چومە سەر روودانەکێ کو وەسا دیاە شوفێرەکێ نەناسیار دوو دەوار ژ جورێ هێستر و ئەسپ ل سەر رێیا سەرەکی یا شێلادزێ و دێرەلووکێ ل نێزیک گوندێ باوان ل سنورێ دەڤەردارییا ئامێدیێ دەعماندنە.
پشتی برینداربوونێ ژ سەرماندا مرنە
زێدەتر گوت، جهێ داخێ یە دەوارا گیانێ خوە ژ دەستدایە و وەسا دهێتە دیتن کو پشتی برینداربوونێ ژ سەرماندا مرنە، ژبەرکو برینێن دژوار ژ وان دیار نینن.
شاهد حالی دیارکر ژی کو ئەو شوفێرێ دەوار دەعماندی خوە ل وان نەکریە خودان و رەڤیە و د وێ رەوشێ دا هێلاینە.
دهێتە زانین کو زور دەوارێن بەردایی ل سەر جادێن سەرەکی یێن شێلادزێ و دێرەلووکێ دهێنە دیتن، ئەڤە چەندین جاران روودانێن ترافیکێ ژ وان دەواران دروست دبن.