پشکەک ژ وەلاتی و گەشتیاران ب مەرەما گەشتکرنێ بو ناڤ بەفرێ، قەستا دەڤەرا لێڤانێ ل سنورێ زاخۆ کر، پاشان جەندرمێن تورکیا دەستدرێژیا گولەیان بۆ سەر وان کر.
وەلاتیەکێ کو دوو گولە بەر ترومبێلا وی کەفتنە دیارکر کو ئەو ل گەل سەدان خێزانان قەستا دەڤەرا لێڤانێ یا سەر ب زاخۆ کریە و پاشان ژلایێ جەندرمە و سوپایێ تورکیا هاتنە گولەباران کرن و گوت، دوو ژ وان گولەیان ژبەر ترومبێلا من کەفتنە.
زێدەتر گوت، پشتی بورینا دەمەکێ کێم ژ گەشتا مەیا بەفرێ ئەم د ترومبێلا خوە بوین داکو بزڤرنە مال ،دەمێ زڤرینێ دا ئێکسەر ئەم ھاتینە گولەبارانکرن ژلایێ جەندرمە و لەشکەرێن تورکیا ڤە، گولا ئێکێ ب ترومبێلا من کەفت تنێ دوو یان سێ بوستەکا دویرکەت ژ کوشنێ پشتێ کو زارویێن من ل وی کوشنی د روونشتی بوون، دەمێ ھاتیمە خوار دا بزانم چ روویدایە؟، ل وی دەمی گولا دوو ژی بەر پێ من کەڤت، لەوا ئێکسەر مە زانی تورکێن یێ مە گولەباران دکەن، لەوا هەر زوو ئەم لوێرێ هاتین.
رێ نەدەن خەلکێ سڤێل بچنە وێ دەڤەرێ.
ئەوی کەسی د روپەلێ خوە دا دیارکریە ژی کو ئەو داخوازێ ژ ھێزێن ئەمنی و زالگەھان دکەت کو رێ نەدەن خەلکێ سڤێل بچنە وێ دەڤەرێ.
زاخۆ ب تایبەتی گوندەوارێن دەرکار و باتیفا دەمەکە هێزێن تورکیا هاتینە وێرێ و بارەگایێن خوە داناینە، جار جار دەستدرێژیا گولەیان بۆ سەر خەلکی دکەن.