د نووترین بریاردا وەکو خزمەت بۆ دەرچویێن زانکۆ و پەیمانگەهان داکو هەند ببنە خودان کار و کەرتێ گەشتیاری ژی بهێتە رێکخستن، بریارە 30% ژ دەلیڤێن کاری بۆ دەرچویێن زانکۆ و پەیمانگەهان بهێنەدان.
ژێدەرەکێ ژ رێڤەبەرییا گشتی یا گەشتوگۆزارا پارێزگەها دهۆکێ دیارکر کو ب مەرەما پەیداکرنا دەلیڤێن کاری بۆ دەرچوویێن زانستێن گەشتیاری سوبەهی دێ کومبونەکا بەرفرەهـ ل گەل جهـ و بنگەهێن گەشتیاری ل پارێزگەها دهۆکێ هێتەکرن و گوت، ب گورەی بڕیارەکا دەستەیا گشتی یا گەشتوگۆزارێ ل هەرێما کوردستانێ دڤێت 30٪ ژ کارمەندێن ل بنگەهێن گەشتیاری کار دکەن دەرچوویێن زانستێن گەشتیاری بن، لەوا بۆ چەوانیا دانانا میکانزمەکێ و بجهکرنا بریارێ، رێڤەبەرێ گشتی یێ گەشتوگۆزارێ ل پارێزگەها دهۆکێ دێ سوبەهی ل گەل دەرچوویێن زانستێن گەشتیاری ل پارێزگەها دهۆکێ ئەنجام دەت بۆ وێ چەندێ ئەو دەرچوو پشکداری هندەک خۆلان ببن کو دێ ژ لایێ رێڤەبەریێ ڤە هێنە ڤەکرن و ل دووڤ دا دەلیڤێن کاری بۆ وان ل بنگەهێن گەشتیاری بهێنە پەیداکرن و هەموو هورکاری ژی هێنە بەلاڤکرن.
ل سنورێ پارێزگەها دهۆکێ پتری 900 جهـ و بنگەهێن گەشتیاری هەنە و ل هەر ئێک ژ وان بنگەهان چەندین کەس کار دکەن.