ب رێی پێشانگەهەکێ ل زانكۆیا دھۆكێ، 100 دەلیڤێن کاری ل سەنتەرێ وەرزش و لاوان ل قەزا سێمێلێ بوو گەنجان ھاتنە رەخساندن.
هاریکارێ سەرۆکێ زانکۆیێ بۆ کاروبارێن قوتابیان، د. نەبەز ئیبراھیم دیاركر كو زانكۆیا دھۆك ب ئەرک دبینیت خزمەتا گەنجێن پارێزگەها دهوکێ بکەت و گوت، ئەڤ پێشانگەھە د چوارچوڤێ پرۆژێ "رێبازا بنەمادار ل سەر مافا دەربارەی توندوتیژیا رەگەزی و ھەڤگرتنا جڤاكی د ناڤبەرا ئاوارە و خەلكێ خۆجھ دا" ب ھەڤكاریا سەنتەرێ خواندنێن ئاشتیێ و چارەسەریا ململانێ یێ زانكۆیا دھۆك ل گەل کۆمەلا ئافرەتین بەغداد و پشتەڤانیا ئێکەتیا لوپەرى یا جیهانى و پشتگیریا ACT و ELCA، بۆ گەنجێن دەڤەرا سێمێلێ و ئاوارەیا ھاتیە رێكخستن.
ژلایەکێ دنە، سەڕۆکێ سەنتەرێ ئاشتیێ و چارەسەرکرنا ململانێ ل زانكۆیا دھۆكێ، د. خەلیل مستەفا، دیاركر كو زانکۆیا دھۆك ب گرنگ دبینیت، ئێدی ژ ناڤ كەمپا زانکۆیێ دەرکەڤیت و دناڤ چڤاکی دا كاربكەت داكو بشێت کارێگەریا ئێکسەر پەیدا بکەت و گۆت "ئەڤرۆ ئەم ب ڤی ئەرکی رابووینە بۆ هندێ هەڤپشکی و ھەڤكاریێ دناڤبەرا تەخێن جڤاکی دا پەیدا بکەین، زێدەباری ڤێ چەندێ کو ئەڤرو ئەم شیاینە ب رێکا ڤان کومپانیا دەلیڤێن کاری بۆ خەلکێ سێمێلێ دابین بکەن.
پشتر ژی ئالیێن جودا ب رێیا پێشانگەهێن جودا هژمارەکا زور یا دەلیڤێن کاری بو گەنجان و دەرچویێن زانکو و پەیمانگەهـ و خەلکێ ئاسایی دابینکرینە.