مەحما خەلیل پەرلەمانتاری سنووری شنگالی پارتی دیموكراتی كوردستان ئاشكرای دەكات، پارتی لە تەواوی سنووری شنگال بە سەنتەری شارۆكەكەشەوە، لە هەموو بنكەكان یەكەم بووە. ئاماژە بەوە دەكات لەو رێژەیەی بەشداریی دەنگدانی كردووە، نزیكەی 70%ی دەنگەكان بۆ بەربژێرەكانی پارتین.
ئەو پەرلەمانتارەی پارتی دیموكراتی كوردستان رای گەیاند، لە سنووری شنگال رێژەی بەشداریكردن 50%ی تێپەڕاندووە، لەو رێژەیەش زیاتر 70%ی دەنگەكان دراونەتە بەربژێرەكانی پارتی دیموكراتی كوردستان، لە تەواوی سنووری شنگال و زومار و سنوونێ كە ئاگاداری داتاكانی دەنگدانن، لە تەواوی وێستگە و بنكەكان، پارتی دیموكراتی كوردستان بە رێژەیەكی بەرچاو لە پێشەوەی لایەنەكانی ترەوەیە.