ئەمشەو بەهۆی رووداوێكی ئاگر كەوتنەوە لە یەكێك لە باڵەخانەكانی پڕۆژەیەكی نیشتەجێبووندا لە دهۆك ژنێك گیانی لە دەست دا و مێردەكەیشی بریندار بوو.
بەقسەی شایەدحاڵێكی نزیك لە رووداوەكە، بە پەیامنێری وشەی راگەیاند، ئەمشەو رووداوێكی ئاگركەوتنەوە لە یەكێك لە شووقەكانی باڵەخانەیەكی نیشتەجێبوون لە گەڕەكی ئێتیت لە شارەكانی دهۆك رووی دا.
شایەدحاڵەكە گووتیشی، لە ئەنجامی رووداوەكە ژنێكی تەمەن 28 ساڵ بە ناوی فاتیما گیانی لە دەست دا و مێردەكەیشی بریندار بووە و تەنیا منداڵە دوو ساڵانەكەیان لە رووداوەكە رزگاری بووە.
شارستانی ئاگرەکەیان کونترولکردوە و وتییشی، تەرمی ژنەکە گواستراوەتەوە بو پزیشکی داد و مێردەکەسی گواستراوە بو نەخوشخانەی فریاکەوتنی دهۆک.
لەبارەی هۆكاری ئاگر كەوتنەوەكەیش، باسی لەوە كرد كە ئاگرەكە بەهۆی زۆپاوە دروستبووە، بەڵام تا ئامادەكردنی ئەم هەواڵە هیچ لایەنێكی فەرمی هۆكاری ئاگركەوتنەوەكەی رانەگەیاندووە.