كەشناسیی هەرێمی كوردستان كەشوهەوای 48 سەعاتی داهاتووی بڵاو كردەوە، بەپێی پێشبینییەكان بەفر و باران بەردەوام دەبێت.
ئەمڕۆ چوارشەم 24ـی كانوونی دووەم، كەشناسیی هەرێمی كوردستان بڵاوی كردووەتەوە، ئەمڕۆ ئاسمان بەگشتی هەور دەبێت، لەگەڵ بارانبارین لەكاتی جیاجیادا، ناوچە شاخاوییەكان بارانی مامناوەندی دەبێت و ناوچە سنوورییەكان بەفرێكی كەمی دەبێت، هەروەها سەنتەری پارێزگاكان تا كاتەكانی دوای نیوەڕۆ ئەگەری تاوەبارانی كەم كەمی هەیە، رێژەی بارانبارین لە ئەمڕۆدا لەم ناوچانە كەمێك زیاتر دەبێت بەتایبەت لە( قەڵادزێ-دووكان-رانیە-كۆیە-بەشی باكوری رۆژهەڵاتی سەنتەری پارێزگای هەولێر) لە ئێوارەدا كاریگەریی باران كەم دەبێتەوە.
لەبارەی كەشوهەوای سبەی كەشناسی پێشبینی دەكات، ئاسمان نیمچەهەور و هەوری تەواو بێت، بەفربارین لەسەر ناوچە سنوورییەكان و بەشێك لە لووتكەی شاخە بەرزەكان بەفربارینی دەبێت، لەبارەی بارانبارین لە هەندێ كاتدا لە ناوچە جیاجیاكان نمەبارانی كەم دەبێت لە سنووری پارێزگای دهۆك و هەولێر و كەركووك، سنووری ناوچە جیاجیاكانی پارێزگای هەڵەبجە و سلێمانی ئاستی دابارینی زیاتر دەبێت.
بەرزترین پلەكانی گەرمای پێشبینیكراو بە پلەی سیلیزی بەم شێوە دەبێت:
هەولێر : 14 پلەی سیلیزی
سلێمانی : 14 پلەی سیلیزی
دهۆك : 13 پلەی سیلیزی
كەركووك : 16 پلەی سیلیزی
هەڵەبجە : 15 پلەی سیلیزی
زاخۆ : 13 پلەی سیلیزی
گەرمیان : 18 پلەی سیلیزی
حاجی ئۆمەران: 2 پلەی سیلیزی
سۆران : 10 پلەی سیلیزی