ئەنجوومەنی وەزیران هەرێمی كوردستان كۆ دەبێتەوە، لە كۆبوونەوەكەدا گفتوگۆی نێوان هەولێر و بەغدا لەبارەی مووچە و بودجە و هەناردەكردنەوەی نەوت تاوتوێ دەكرێت.
ئەمڕۆ چوارشەم 31ـی كانوونی دووەم، بەسەرپەرشتیی مەسروور بارزانی سەرۆكی حكوومەتی هەرێمی كوردستان، ئەنجوومەنی وەزیرانی هەرێمی كوردستان كۆ دەبێتەوە و چەندان پرس و بابەتی گرنگ تاوتوێ دەكرێن، لەوانە پوختەیەك لەسەر سەردانی شاندی حكوومەتی هەرێمی كوردستان بەسەرۆكایەتی سەرۆك وەزیران بۆ داڤۆس و دەرەنجامی ئەو دیدار و گفتوگۆیانەی لە داڤۆس كران، دەخرێنەڕوو.
هاوكات تەوەرێكی تری كۆبوونەوەی ئەنجوومەنی وەزیران، تاوتوێی ئەنجامی گفتوگۆكانی هەولێر و بەغدا لەبارەی مووچە و بودجە و هەناردەكردنەوەی نەوتی هەرێمی كوردستان لەڕێی بەندەری جەیهانی توركیا دەكرێت.
هاوكات لە بەشێكی تردا دەنگ لەسەر رەشنووسی پڕۆژەیاسای كاركردنی كرێكارانی بیانی لە هەرێمی كوردستان دەدرێت.