وەزارەتی پەروەردەی حكوومەتی هەرێمی كوردستان لە ساڵی نوێدا، گۆڕانكاری 100% لە چەند مادەیەكی وانەكانی خوێندندا دەكات.
وەزیری پەروەردەی حكوومەتی هەرێمی كوردستان ڕای گەیاند، "لە پێناو گەشەسەندنی زیاتری پرۆسەی خوێندن لە هەرێمی كوردستان، گۆڕانكاری لە بەشێكی مادەكانی خوێندن دەكەین.
باسی لەوەش كرد، بەشێك لە مادەكانی ئێستە كە لە پرۆگرامەكانی خوێندندا هەن، بەتایبەت زانستە مرۆییەكان، ئاڵۆزن و فێرخواز بە ئەستەم دەتوانێت لێیان تێبگات و سوود لە زانیارییەكان وەربگرن.
لە ساڵی ئایندەدا وانەكانی ئینگلیزی پۆلی یەك تا 12، بیركاری قۆناغی سێ و چوار، جیۆگرافیا و مێژووی پۆلەكانی 10 و 11، بەتەواوەتی دەگۆڕێن.