بە بڕیاری وەزارەتی كارەبای حكوومەتی هەرێمی كوردستان، 75 مێگاوات كارەبا بۆ ناوچە زیانلێكەوتووەكانی لافاوەكەی دهۆك و زاخۆ زیاد كرا.
وەزارەتی كارەبای حكوومەتی هەرێمی كوردستان بڕیاریدا، بڕی 75 مێگاوات كارەبا بۆ ناوچە زیانلێكەوتووەكانی دهۆك و زاخۆ زیاد بكرێت تا ئەو كاتەی چارەسەری تەواوی زیانەكان دەكرێت و دۆخەكە ئاسایی دەبێتەوە.
وەزارەتەكە ئامادەیی خۆی پێشانداوە بۆ چارەسەركردنی كێشە پێوەندیدارەكانی كارەبا كە بە هۆی لافاوەوە ڕووی داوە.
چەند ڕۆژی رابردوو، لافاو دهۆك و زاخۆی گرتەوە جگە لە زیانێكی زۆری مادی، سێ كەس بەهۆی لافاوەكەوە گیانیان لە دەست دا.