عه‌دنان موفتی سه‌رۆكی پێشووتری په‌رله‌مانی كوردستان و ئه‌ندامی مه‌كته‌بی سیاسی یه‌كێتی نیشتمانی كوردستان، په‌یامێكی پیرۆزبایی ئاڕاسته‌ی مه‌سروور بارزانی سه‌رۆك وه‌زیرانی هه‌رێمی كوردستان ده‌كات.
عه‌دنان موفتی له په‌یامه‌كه‌یدا، بۆ مه‌سروور بارزانی ده‌ڵێت: "پیرۆزبایی له خۆتان و گشت ئه‌ندامانی كابینه‌كه‌تان ده‌كه‌م، ئومێدم سه‌ركه‌وتنتانه، هه‌ر ساغ و سه‌لامه‌ت بن".
ڕۆژى چوارشه‌م 10ی تەمووز، مەسروور بارزانی ڕاسپێردراو بۆ پێكهێنانی كابینەی نوێی حكوومەت، لەلایەن پەرلەمانی كوردستانەوە وەك سەرۆكی ئەنجوومەنی وەزیران متمانەی پێ درا و دواتر و تەواوی حكوومەتەكەی متمانەیان وەرگرت. پاشان لە گوتارێكدا ڕای گەیاند، یەكێك لە سەرەكیترین كارەكانی حكوومەتەكەی بریتی دەبێ لە بەرەنگاربوونەوەی گەندەڵی.