بڕیارە ئەمڕۆ مووچەی وەزارەتێك دابەش بكرێت و پارەكەی بەغداش بگاتە هەرێمی كوردستان.
ئەمڕۆ یەكشەم 21ـی تەمووز، سەرچاوەیەك لە یەكێك لە گەنجینەكانی سەر بە وەزارەتی دارایی و ئابووری حكوومەتی هەرێمی كوردستان بە "وشە"ـی ڕاگەیاند، ئەمڕۆ مووچەی وەزارەتی سامانە سرووشتییەكانی حكوومەتی هەرێمی كوردستان دابەش دەكرێت.
ئەو سەرچاوەیە گوتی، دابەشكردنی ئەو مووچەیە بۆ مانگی نیسانی ئەمساڵە و دابەشكردنیش بەردەوام دەبێت، هەروەها چاوەڕوانین ئەمڕۆ پارەكەی بەغدا بگاتە هەرێمی كوردستان بۆ ئەو هەفتەیە دابەشكردنی مووچە خێرا دەبێت.
بەپێی ڕێككەوتنی نێوان هەرێمی كوردستان و عێراق لە ناوەڕاستی هەر مانگێك عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.
لە سەرەتای ئەمساڵ پاشكەوتی مووچە لەسەر مووچەی فەرمانبەرانی هەرێمی كوردستان هەڵگیراوە و پێدانی مووچە ئاسایی بووەتەوە لە پێنجی سەرەتای هەر مانگێك لە هەرێمی كوردستان مووچە دابەش دەكرێت.