ئاکرێ.. كه‌سێك كوژرا و شه‌ش كه‌سی تریش بریندار بوون

:: PM:01:28:10/08/2019 ‌

كه‌مێك پێش ئێسته‌ له‌ سه‌نته‌ری شارۆكه‌ی ئاكرێ به‌هۆی شەڕی نێوان چه‌ند هاووڵاتی، كه‌سێك كوژرا و چه‌ند كه‌سی تریش بریندار بوون، پولیس سەرقاڵی كونترۆڵكردنه‌وه‌ی بارودۆخه‌كه‌ن.

ئەمڕۆ شەموو 10ی ئاب، پێشوار زێباری هاووڵاتییه‌كی ئاكرێ و شایه‌تحاڵی رووداوه‌كه‌‌ به‌ "وشه‌"ی راگه‌یاند، كه‌مێك پێش ئێسته‌ شەڕ له‌نێوان چه‌ند كه‌سێك له‌ سه‌نته‌ری شاری ئاكرێ روویدا و له‌ ئه‌نجامدا كه‌سێك كوژراوه‌ و شه‌ش كه‌سی تریش بریندار بوون.

زیاتر روونی دەکاتەوە، شەڕه‌كه‌ له‌ كۆڵانی ئاڵه‌ و له‌نێو بازاڕ روویداوه‌ و تا ئێسته‌ هۆكاری شەڕه‌كه‌ روون نیه‌ و پێده‌چێت هه‌ر دوكانداران خۆیان بن، به‌ڵام پولیس هاتونه‌ شوێنی رووداوه‌كه‌ و خه‌ریكی ئاسایی كردنه‌وه‌ی بارودۆخه‌كەن.

شەڕه‌كه‌ی ئاكرێ له‌كاتێكدایه‌ ‌ چه‌ند روژی رابردوو له‌ گوندی كوجان له‌ شاره‌دیێ بجێلی سه‌ر به‌ ئاكرێ شەڕێكی تر له‌نێوان هێزه‌ تەناهییەکان و هاووڵاتیان روویدا و 36 كه‌س برینداربوون.

ئاكرێ/ نه‌وزاد هلۆری



وشە - هیدایه‌ت جان

ئه‌م بابه‌ته 291 جار خوێنراوه‌ته‌وه‌‌