هاووڵاتییانی گەرمیان لە جەژندا سەردانی یەكتر دەكەن

:: AM:11:30:11/08/2019 ‌

لە یەکەم رۆژی جەژندا هاووڵاتییانی گەرمیان سەردانی یەکتر دەکەن و داوای گەردەن ئازادی لە کەسوکاریان دەکەن، توێژەرێکی کۆمەڵایەتیش دەڵێ، تۆڕە کۆمەڵایەتییەکان وایان کردووە ساڵ لەدوای ساڵ ئەو بۆنە کۆمەڵایەتییانە کاڵتر ببنەوە.

حاجی ئەحمەد عەلی ، وەك كەسایەتیەكی بەتەمەنی گەرمیان بۆ "وشە" ئاماژەیدا، بۆخۆی 70 جەژنی بەرێ کردووە و بەتامەزرۆییەوە چاوەڕێی هاتنی جەژن دەكات بۆ گەردن ئازادی و كۆبونەوەی خزمان.

دەشڵێت، جەژنی جاران گەرموگوڕتر بوو تا ئێستا، ئێستا لەبری سەردان زۆر كەس لەرێگەی تۆرە تەکەفۆن و نامەیەك پیرۆزبایی لە یەكتر دەكەن.

لەگەرمیان و تەواوی هەرێمی كوردستان، لەدوای نوێژی جەژن، خەڵک دوای گەڕانەوە لە مزگەوت نانی بەیانی دەخۆن و زۆرینەی رەهایان بە جلی كوردییەوە دەگەرێن و جەژنە پیرۆزە لە یەكتر دەكەن .

كارزان محەمەد، توێژەری كۆمەڵایەتی لە گەرمیان لەبارەی جەژنەوە دەڵێ، كاڵبونەوەی بەرچاو بە جەژنەوە دیارە، چونكە تۆڕە كۆمەڵایەوتییەكان شیرازەی كۆمەڵگەیان تێكداوە و تاك بەتاكی كۆمەڵیان لەی ەكتر دوور خستۆتەوە.

ئاماژەی بۆئەوەشكرد، زیاد لە پێویست بەكارهێنان و بایەخدان بە تەكەنەلۆژیا بۆتە هۆكاری سڕبوونی پێوەندی خەڵکی لە بۆنەكان بە شێوەیەكی گشتی و لە جەژنان بەتایبەت.

گەرمیان / سەبری هۆرێنی









وشە - هیدایه‌ت جان

ئه‌م بابه‌ته 142 جار خوێنراوه‌ته‌وه‌‌