وەزارەتی پەروەردە بڕیارێكی نوێی دەركرد

:: PM:01:32:31/08/2019 ‌

وەزیری پەروەردەی حکوومەتی هەرێمی کوردستان بڕیارێکی لەبارەی ئەو قوتابخانە و پەیمانگا نا حکوومییانە دەرکرد کە یاری بە نرخەکان دەکەن.

ئەمڕۆ شەموو 31ی ئاب، ئالان حەمەسەعید وەزیری پەروەردەی حکوومەتی هەرێمی کردستان لەگەڵ نوێنەرانی قوتابخانە و باخچە و پەیمانگا نا حکومییەکان کۆبوویەوە.

لەدوای کۆبوونەوەکە وەزیری پەروەردە بە میدیاکانی راگەیاند، چەند فەرمانێکی وزاریمان بۆ رەخساندنی دەرفەتی کار و جێبەجێکردنی رێنماییەکانی تایبەت بە خوێندنی ناحکوومی دەرکردووە.

لەبارەی نرخی خوێندن لە قوتابخانە و پەیمانگا نا حکومییەکان وەزیری پەروەردە رای گەیاند، هەر قوتابخانە و باخچە و پەیمانگایەکی نا حکوومیی یاری بە نرخەکان بکات، لە رووی دارایی و ئیداریی سزا دەدرێت.

ئەو لێدوانەی وەزیری پەروەردە لە کاتێکدایە لە چەند ساڵی رابردوو قوتابخانە و پەیمانگا نا حکومییەکان بەبێ هیچ چاودێرییەک نرخی خوێندنیان بەرز دەکردەوە و بە شێوەیەک هەندێک لە قوتابخانەکان نرخەکانیان لەچاو سێ ساڵی رابردوو دوو هێندە لێکردووە و حکوومەت هیچ نرخێکی دیاریکراوی بۆ دانەناون.



وشە - هیدایه‌ت جان

ئه‌م بابه‌ته 10835 جار خوێنراوه‌ته‌وه‌‌