دەروازەی بازرگانیی بازرگان لە ورمێی رۆژهەڵاتی كوردستان بە یەكێك لە گرنگترین دەروازە بازرگانییەكانی ئێران هەژمار دەكرێت كە ساڵانە قەبارەیەكی زۆری كاڵا و شتومەكی لێیەوە بۆ توركیا و ئەوروپا هەناردە دەكرێت. بەپێی نوێترین ئامار رێژەی بەهای هەناردەی كاڵا لە دەروازەكە 245% زیادی كردووە.
سادق نامدار سەرپەرشتی بەڕێوەبەرایەتی گشتی گومرگی بازرگان گوتی، لە ماوەی پێنج مانگی رابردوودا بەهای ئەو كاڵایانەی لە دەروازەكە هەناردە كراون بە دۆلار 245% زیادی كردووە.
بەگوێرەی "
ئیرنا" بەرهەمی كشتوكاڵی، پێترۆكیمیایی، بەرد و كانزاكان گرنگترین ئەو كاڵایانەن كە لە دەروازەكەوە بۆ وڵاتان هەناردە دەكرێت. سەرچاوەكە باسی لەوە نەكردووە كۆی قەبارەی ئەو كاڵایەی لە پێنج مانگی رابردوو هەناردە كراوە چەندە و بە چ بەهایەك خەمڵێنراوە.
بە پێی ئامارێك كە ئەو بەرپرسە خستووویەتە روو، هاوكات بەهای كاڵای هاوردە لە هەمان ماوەدا بەراورد بە پێنج مانگی ساڵی رابردوو 66% زیادی كردووە و بە بەهای 277 ملیۆن دۆلار شتومەك هاوردە كراوە كە پارچەی یەدەگی پیشەسازی، MDF و مۆز و رەنگ و چەند جۆرێك كانزا لە خۆ دەگرێت.
پارێزگای ورمێ 960 كیلۆمەتر سنووری هاوبەشی لەگەڵ هەریەك لە وڵاتانی توركیا و هەرێمی كوردستان و كۆماری ئۆتۆنۆمی نەخجەوان هەیە.