تێكڕای لێدانی دڵ بریتییە لە ژمارەی ئەو جارانەی دڵ لێدەدات لە یەك خولەكدا، لە كاتی حەسانەوە ژمارەكە كەمترە بە بەراورد بە كاتی ماندووبوون و ئەرككێشان و ورزشكردن، چونكە لەش پێویستی بە بڕی زیاتری ئۆكسجین هەیە، بۆیە ئەوكاتەی لێدانی دڵ زۆرە دڵەكوتێ دەردەكەوێت.
دڵە كۆتێ حاڵەتێكی مرۆڤ لە كات و تەمەنی جیاواز تووشی دێتەوە و چەندان هۆكاری هەیە كە بەپێی توێژینەوەی نوێ 10 هۆكار هەن دەبنە هۆی دروستبوونی ئەو حاڵەتەوە:
1-نیگەرانی و رارایی.
2-تۆقین و ترس.
3-خەم و خەمۆكی.
4-راهێنانی قورشسی وەرزشی.
5-خواردنەوەی وریاكەرەوەكانی وەك كافایین و نیكۆترین و ئەمڤیتامینەكان و دەرمانی سەرمابوون و كۆخە كە سۆدۆئیفدرینیان تیادایە.
6-تا.
7-گۆڕانكاری هۆڕمۆنی پێوەست بە سووڕی مانگانەی ژن یان دووگیانی یان كۆتاهاتنی سووڕی مانگانە بەیەكجاری.
8-سستی رژێنی دەرەقی.
9-زیادبوونی چالاكی رژێنی دەرەقی.
10هەندێك نەخۆشی دڵ.
بەڵام ئەگەر دڵەكوتێكە ئازاری سنگ و مێروولەكردنی لەش و هەناسەتەنگی و سەرسوڕانی زۆری لەگەڵدا بوو، پێویستە راستەوخۆ سەردانی پزیشكی شارەزا بكرێت كە رەنگە ئاماژە بێت بۆ حاڵەتی مەترسیدار.