هاووڵاتییەكی دەڤەری بارزان كە نیشتەجێی گوندی باڵندایە، بە ناوی محەمەد چیچۆ باڵندی لە ساڵی 1975ەوە تا ئێستە لە ڕێگەی تێنووسی یادگارییەوە، یادگاریی ڕۆژە گرنگەكانی ژیانی خۆی و كوردستان دەنووسێتەوە.
محەمەد چیچۆ بە "وشە"ی گوت، لە رێككەوتی 21ی ئاداری ساڵی 1975ەوە دەستم بە نووسینەوەی بیرهاتن و مێژوو گرنگەكانی كورد و كوردستان كردووە.
زیاتر گوتی، لە ماوەی ئەو ساڵانەدا دەیان بیرهاتن و مێژووە گرنگەكانی بزووتنەوەی رزگاریخوازی كوردستان و شورش و پێشمەرگایەتی و شەر و شەهیدبوونی پێشمەرگە و سەركەوتنەكانی ئەوان لە داستانەكانم نووسیوە، بەڵام تا ئێستە هیچ كەس و لایەنێك لێكۆڵینەوەی لەو تێنووسانە نەكردووە.
ئەو داوا دەكات لەدوای مردنی كەسانێك هەبێت ئەو هەموو تێنووسانە بۆ موزەخانەیەكی دەڤەری بارزان بگوازرێتەوە و بیپارێزن.
بارزان/ نەوزاد هلۆری