هواوی ئینجۆی 10.. ئه‌و مۆبایله‌ی ركابه‌ریی گالاكسی و ئایفۆن ده‌كات

:: PM:09:26:22/10/2019 ‌

ئینجۆی 10 یه‌كێكه‌ له‌ نوێترین مۆبایله‌كانی هواوی كه‌ له‌ڕووی هێز و دیزاینه‌وه‌ زۆر ناوازه‌یه‌ و شاشه‌یه‌كی گه‌وره‌ی هه‌یه‌ و له‌ڕووی كوالێتییه‌وه‌ پرۆسێسه‌ره‌وه‌ زۆر به‌هێزه‌، ئه‌مه‌یش وای كردووه‌ بتوانێ ركابه‌ری گالاكسی و ئایفۆن بكات.

ماڵپه‌ڕی ته‌كنه‌لۆجی "gadgets" بابه‌تێكی له‌باره‌ی نوێترین به‌رهه‌می هواوی بڵێو كردووه‌ته‌وه‌ و ئاماژه‌ی پێ داوه‌، كۆمپانیای هواوی له‌ تازه‌ترین به‌رهه‌مدا مۆبایلی "ئینجۆی 10"ی خسته‌ بازاڕه‌كانه‌وه‌، كه‌ وه‌ك خۆی ئاماژه‌ی پێ داوه‌، ئه‌م مۆبایله‌ یه‌كێكه‌ له‌ به‌هێزترینه‌كان و خاوه‌ن كوالێتییه‌كی ناوازه‌یه‌.

هواوی جوانترین کامێرای بۆ داناوە

ئه‌مه‌یش گوتراوه‌ كه‌ ئه‌م مۆبایله‌ ئێسته‌ له‌ بازاڕه‌كاندا به‌رده‌سته‌ به‌ جوانترین دیزاین و باشترین كامێرا، ناوازه‌ی مۆبایله‌كه‌ له‌وه‌دایه‌ كه‌ كامێراكانی دواوه‌ی 30 مێگاپێكسڵن كه‌ ئه‌مه‌یش وای كردووه‌ وێنه‌ی ناوازه‌ بگرن و ڕكابه‌ری ئایفۆن و گالاكسی بكه‌ن له‌ڕووی كامێراوه‌.

هواوی سه‌باره‌ت به‌ خێرایی و تایبه‌تمه‌ندی مۆبایله‌كه‌ ده‌ڵێ، مۆبایله‌كه‌ خاوه‌نی ڕامی چوار گێگابایتییه‌ له‌گه‌ڵ میمۆری ناوه‌كی 128 گێگابایت، هه‌روه‌ها سیسته‌می خێرای بۆ دانراوه‌ و پاترییه‌كه‌یشی 4000 میلی ئه‌مپێره‌ كه‌ ئه‌مه‌یش ناوازه‌تری كردووه‌ و وای كردووه‌ نرخه‌كه‌ی بگاته‌ 200 دۆلاری ئه‌مه‌ریكی.

كۆمپانیای هواوی چینی یه‌كێكه‌ له‌ كۆمپانیا به‌ناوبانگه‌كانی دنیا كه‌ له‌ ساڵی 1987 له‌سه‌ر ده‌ستی "ڕێن ژێگ فێی" دامه‌زراوه‌ و ئێسته‌ یه‌كێكه‌ له‌ باشترین كۆمپانیاكانی دنیا بۆ دروستكردنی مۆبایل و ئامێری ته‌كنه‌لۆجیای به‌هێز، ئه‌و كۆمپانیایه‌ نزیكه‌ی 170 هه‌زار فه‌رمانبه‌ری هه‌یه‌ له‌ دنیادا كه‌ نزیكه‌ی 76 هه‌زاریان ئه‌ندازیاری شاره‌زان له‌ بواری ته‌كنه‌لۆجیادا.












وشە - ڕۆزی عه‌بدولره‌حمان

ئه‌م بابه‌ته 125 جار خوێنراوه‌ته‌وه‌‌