كرێكارێك به‌هۆی رووخانی دیوارێك گیانی له‌ ده‌ست دا

:: PM:09:19:13/11/2019 ‌
پۆلیسی‌ سۆران ڕای‌ گه‌یاند، ئه‌مشه‌و كرێكارێك دیوار به‌سه‌ریدا ڕووخا و گیانی‌ له‌ ده‌ست داوه‌. كرێكاره‌كه‌ خه‌ڵكی‌ ڕۆژهه‌ڵاتی‌ كوردستانه‌.

به‌گوێره‌ی‌ ڕاگه‌یه‌نراوێكی‌ پۆلیسی‌ سۆران، ئه‌مشه‌و دیوارێك رووخاوه‌ و كریكارێكی روژهه‌ڵاتی كوردستان كه‌ خه‌ڵكی ئورمییه‌ به‌ ناوی ( ئ . ق س ) له‌دایكبووی 1965 گیانی‌ له‌ ده‌ست دا.

ئێسته‌ ته‌رمی كرێكاره‌كه‌ ره‌وانه‌ی پزیشكی دادی كرا
پۆلیس ده‌ڵێ، كرێكاره‌كه‌ خێزانداره‌ و خاوه‌ن شه‌ش منداڵه‌، دیواره‌كه‌ له‌ گه‌ره‌كی به‌رگوان ڕووی‌ داوه‌ و ده‌ست به‌جێ تیمێكی رزگاركردنی بنكه‌ی‌ پۆلیس گه‌یشتنه‌ شوێنی ڕوداوه‌كه‌.

دووپاتیش كراوه‌ته‌وه‌ كه‌  ئێسته‌ ته‌رمی كرێكاره‌كه‌ ره‌وانه‌ی پزیشكی دادی كرا و ئاگه‌داری كه‌س وكاریان كرا له‌ ئورمییه‌.

ساڵانه‌ له‌ هه‌رێمی‌ كوردستان ژماره‌یه‌ك كرێكار ده‌بنه‌ قوربانی‌ و سه‌ندیكای‌ كرێكارانی‌ كوردستانیش داوا ده‌كات كه‌ بیمه‌ بۆ كرێكاران دابین بكرێ‌.



وشە - سه‌رخێڵ هاشم

ئه‌م بابه‌ته 143 جار خوێنراوه‌ته‌وه‌‌