بڕیارێكی نوێ‌ بۆ شوفێری پاس و تاكسییەكان دەرچوو

:: AM:10:30:09/12/2019 ‌

 

وەزارەتی گواستنەوە و گەیاندن، بە نووسراوێك ئاگەداری بەڕێوەبەرایەتی گشتی گواستنەوە دەكاتەوە كە كێشانی جگەرە لەلایەن شوفێرانی تاكسی و پاسەكان ڕێپێدراو نییە و پێویستە ڕێنوێنییەكان جێبەجێ بكرێت.

ئەمڕۆ دووشەم نۆی كانوونی یەكەم، لە نووسراوێكی وەزارەتی گواستنەوە و گەیاندن بۆ بەڕێوەبەرایەتی گشتی گواستنەوە ئاشكرا كراوە، كێشانی جگەرە لەلایەن شوفێری تاكسی و پاسەكان قەدەغەیە و لە كاتێك هاووڵاتییان لەم كاتەی بەكارهێنانی هۆیەكانی گواستنەوەی گشتیدان.

لەكاتی بەكارهێنانی هاووڵاتییان بۆ تاكسی دەبێت رادیۆ و (مسجل) كوژاوە بێت
باس لەوەش كراوە، بەكارهێنانی رادیۆ تەنیا لەسەر داوای هاووڵاتییان دەبێت، لەكاتی بەكارهێنانی هاووڵاتییان بۆ تاكسی دەبێت رادیۆ و (مسجل) كوژاوە بێت و تەنیا لەسەر داواكاری سەرنشین كاری پێ دەكرێت.

ڕوون كراوەتەوە، لەكاتی نەبوونی سەرنشین لە تاكسی شوفێری تاكسی ئازادە لە بەكارهێنانی رادیۆ و (مسجل) بە ئارازووی خۆی.

ئەو نووسراوە لە كاتێكدایە ئێستە بۆ ڕێكخستنی كاری شوفێرانی تاكسی، لێدانی لۆگۆ چووەتە بواری جێبەجێكردن و پێویستە تا یەكی ئاداری ساڵی داهاتوو سەرجەم شوفێرانی تاكسی مامەڵەی لێدانی لۆگۆی تاكسی تەواو بكەن.


 



وشە - رامیار جەواد

ئه‌م بابه‌ته 1221 جار خوێنراوه‌ته‌وه‌‌