نێچیرڤان بارزانی سەرۆكی هەرێمی كوردستان، پەیامێكی پیرۆزبایی ئاراستەی مستەفا كازمی سەرۆك وەزیرانی نوێی عێراق دەكات و هیوای سەركەوتنی بۆ دەخوازێت.
ئەمڕۆ پێنجشەم حەوتی ئایار، نێچیرڤان بارزانی سەرۆكی هەرێمی كوردستان لە تویتێكدا نووسیویەتی، پیرۆزبایی لە مستەفا كازمی دەكەم بۆ پەسەندكردنی كابینەكەی و هیوای سەركەوتنی بۆ دەخوازم.
ماف و داوا رەواكانی گەلی عێراق و مافە دەستوورییەكانی هەرێمی كوردستان بگێڕێنێتەوە
سەرۆكی هەرێمی كوردستان لە تویتەكەی ڕوونی كردووەتەوە، هیوادارم حكوومەتەكەی بتوانێ ئارامی، سەقامگیری، خزمەتگوزاری و پێشكەوتن بۆ وڵات و ماف و داوا رەواكانی گەلی عێراق و مافە دەستوورییەكانی هەرێمی كوردستان بگێڕێنێتەوە.
شەوی ڕابردوو مستەفا كازمی لە ئەنجوومەنی نوێنەرانی عێراق، متمانە بە 15 وەزیر و بەرنامەی كاری حكوومەتەكەی درا.