باله‌فرێن توركیا گوندێ ده‌رگه‌لێ بۆردمان كرد

:: PM:06:26:18/05/2020 ‌

ده‌مه‌كێ كێم به‌رى نوكه‌ باله‌فرێن شه‌رى یێن توركیا ناڤه‌ندا گوندێ ده‌رگه‌لێ یا سه‌ر ب ده‌ڤه‌را به‌روارى بالا كر، هه‌تا نوكه‌ زیان ناهێنه‌ زانین.

ژێده‌ره‌كێ ل ده‌ڤه‌را به‌روارى بالا بۆ "وشه‌" گۆت، ده‌مه‌كێ كێم به‌رى نوكه‌ گوندێ ده‌رگه‌لێ یا سه‌ر ب ناوچه‌داریا كانى ماسێ و ده‌ڤه‌را به‌روارى بالا ب دژوارى هاته‌ بۆردمان كرن.

ئه‌وى ژێده‌رى دیاركر ژى كو پێشتر ژى بۆردومان ل ده‌ڤه‌رێ هاتیه‌كرن

زێده‌تر گۆت، بۆردومان ژلایێ باله‌فره‌كا شه‌رى یا سوپایێ توركیا هاتیه‌كرن، ب جوره‌كێ هاتیه‌كرن كو گوله‌ ل ناڤا گوندى داینه‌، هه‌تا نوكه‌ زیانێن گیانى نینن، به‌لێ زیانێن زۆر یێن ماددى گه‌هاندینه‌ خانى و ره‌ز و بیستانێن وه‌لاتیان و ترسه‌كا زۆر لده‌ڤ خه‌لكى په‌یدا كریه‌"

ئه‌وى ژێده‌رى دیاركر ژى كو پێشتر ژى بۆردومان ل ده‌ڤه‌رێ هاتیه‌كرن، به‌لێ بڤى ئاوایى نه‌بویه‌ و گۆت ژى "وه‌كو خه‌لكێ ده‌ڤه‌رێ داخوازێ ژ حوكمه‌تا هه‌رێما كوردستان و حوكمه‌تا عیراقێ و هه‌ر لایه‌نه‌كێ  دكه‌ین كو فشارێ بێخنه‌ سه‌ر ده‌وله‌تا توركیا كو بۆردومان ل گونده‌وارێن ده‌ڤه‌رێ نه‌هێنه‌ كرن، داكو سه‌ر و مالێ وان پاراستى بیت"

دهێته‌ زانین ئه‌ڤ ساله‌ پتر ژ 30 جاران سنوورێ پارێزگه‌ها دهۆكێ هاتیه‌ بۆردمان كرن، نێزیكێ پێنج وه‌لاتیێن سڤێل ژى بوینه‌ قوربانى.

دهۆك










وشە - ڕۆزی عه‌بدولره‌حمان

ئه‌م بابه‌ته 99 جار خوێنراوه‌ته‌وه‌‌