عهلى حسێن، برایێ ئهوێ كچێ بۆ "وشه" گۆت، ئهڤرۆ سپێدێ خوشكا وى بناڤێ حهلیما حسێن دژیێ 22 سالیێ دا ب رێیا دهروازا ئیبراهیم خهلیل گههشته ههرێما كوردستانێ و ل وهلاتێ توركیا ژ دهستێ تیرورستێن داعشێ رزگاربوو.
زێدهتر گۆت "ل سالا 2014ێ ل دهمێ هێرشا داعشێ بۆ دڤهرا شنگالێ، خوشكا من كهفتیه دهستێ داعشێ، سوپاس بۆ خودێ پشتى شهش سالان هاته رزگاركرن"
ب گورهى ئاخفتنێن وى، خوشكا وان بۆ دهما 14 رۆژان دێ ل زاخۆ هێته كهرهنتین كرن داكو ژ ڤایرۆسا كۆرۆنایێ بهێته پاراستن، ژ نوو دێ ڤهگهرێته ناڤا كهسوكارێن خوه.
كچا ناڤبرى خهلكا گوندێ (تل قهست) یا سهر ب دهڤهردارییا شنگالێ یه، ئهو ل گهل 28 كهسێن دى ل خێزانا خوه ل هاڤینا سالا 2014 ل گهل شهش هزار كهسێن دى كهفته دهست داعشێ، ههتا نوكه 12 كهس ژ خێزانا وێ هاتینه رزگاركرن و 16 كهس ژى چارهنڤیسێ وان نهدیاره.
ب گورهى ئامارێن نڤیسینگهها رزگاركرنا رهڤاندیێن ئێزدى، پترى سێ هزار و 300 ئێزدى ژ دهستێ داعشێ هاتینه رزگاركرن و نێزیكێ وێ هژمارێ چارهنڤیسێ وان نهدیاره و كار بۆ رزگاركرنا وان دهێتهكرن.