بۆچی دەنگ بە پارتی دیموكراتی كوردستان بدەین؟

مێژوویی دوێنی و ئەمڕۆمان گەواهیدەری ئەو راستییەیە كە پارتی دیموكراتی كوردستان خاوەن ستراتیجێكی كوردپەوەرانەیە، لە قۆناغە سەختەكاندا رووبەڕووی چەندان پیلانگێڕی و گەلەكۆمەكێی دوێنی بووەتەوە، ئەویش لەبەرئەوەی كە خاوەنی پێشمەرگە، سەرۆك و رابەرێكی دڵسۆزە كە هەمیشە كاری كردووە لە پێناو بەدەستهێنانی ویست و مافە زەوتكراوەكانی، هەروەها بۆ بەدەستهێنانی مافی سەربەخۆیی و گەلی كوردستانی لە ئەستۆ گرتووە، ئەوە پارتی و پێشمەرگەكانی بوون شەڕی ئیرادە و خاكیان كرد لە پردێ و سحێلان و مەحموودییە، بۆیە شانازییە دەنگ بە پارتی بدەین و ویژدانی خۆمان ئاسوودە بكەین، هەروەها سەرۆك بارزانی هەمیشە سیاسەتێكی حەكیمانەی هەیە و قسە لەسەر پرسە چارەنووسسازەكان دەكات. هەر كاتێ سەرۆك مەسعوود بارزانی وتارێكی هەبێت، ئەوا خزمەت بە هەموو خەڵكی كوردستان دەكات و جەماوەری پارتی نوێ دەبنەوە.

بۆیە دەنگی خۆم بە پارتی دیموكراتی كوردستان دەدەم، بە هۆی بوونی ئەو مێژووە پڕ شانازی و سەروەرییەیەتی كە ئەم پارتە كوردپەوەر و وشەهیدپەروەر و نیشتمانپەوەرە، لە سەرەتای دامەزرانییەوە تا ئێستە قوربانی لە پێناو دەستكەوتی زیاتر بۆ خەڵكی كوردستان دەدات، ئەوانەی بەدەستیش ھاتوون زۆربەیان بەرھەمی پارتین، لەبەرئەوەش پێم وایە دەنگدان بە پارتی و كاندیدانی، ئەركێكی نیشتمانی و نەتەوەییە، لە پێناو زیاتر داكۆكیكردن لە مافە رەوا دەستوورییەكانمان، بەتایبەت ناوچە كوردستانییەكانی دەرەوەی ئیدارەی هەرێم و كەركووكی دڵی كوردستان، پارێزگاریكردنی یاسایی و دەستووری لە قەوارەی هەرێمی كوردستان .

هەروەها متمانەبەخشین و دەنگدانمان بە پارتی دیموكراتی كوردستان كە قوتابخانەی كوردایەتی و كۆڵنەدانی بارزانیی نەمرە، هیوابەخشی دوێنی و ئەمڕۆ و بەردەوامیی هەموومانە، ئەو پارتەی كە 75 ساڵ تەمەنی پڕ لە خەبات و بەرخۆدان و تێكۆشانی بەڕێ كردووە، هیچ كاتێك سازشی لەسەر پرسە چارەنووسسازەكاندا نەكردووە، لەو پێناوەدا قوربانیی زۆری داوە و دەریایەك خوێنی بەخشیوە، بۆیە بێ دوودڵی، شایانی ئەوەیە دەنگی پێ بدەین و لە ریزی هەرە پێشەوەی لیست و قەوارە سیاسییەكانی تری كوردستان بێت، لە پێناو بەدیهێنانی گشت ماف و ئامانجەكانمان كە بەكردەوە نەك تەنیا بەدروشم ئەو ڕاستییەی سەلماندووە، باج و قوربانیی گەورەی لە پێناو بەخشیوە و هیچ كات لە قۆناغە سەختەكانیشدا لە ئەرك و بەرپرسیاریەتیی بەرانبەر بە دۆزی رەوایی نەتەوەكەی، شانی بەتاڵ نەكردووە .

ئەو ئەزموونەی ڕابردوو، پارتی دیموكراتی كوردستان جگە لە بەرژەوەندییەكانی ژیاری باڵای خەڵكی كوردستان، هەروا بە ئاسانی نایەتە ژێرباری مەرامە نادیارەكانی ئەو حزبانە، بۆیە ئەزموونی تاڵی ساڵانی ڕابردوو، نایەوێ لەسەر شان و كۆڵی خەڵكی خێر لەخۆنەدیوی كوردستان دووبارە بێتەوە. گوتەكەی سەرۆك بارزانی هانی جەماوەری پارتی و هەوادارانی دا كە ئەوان هێزی لەبن نەهاتووی پارتین، كاتێ پارتی بەهێز بێت، كوردستانیش بەهێز بووە، هەروەها سندووقی دەنگدان تاكە ئامرازە و جەماوەر گوزارشت لە دەنگ و بۆچوونی خۆی بكات، لەلایەكی ترەوە ناحەزان و دوژمنان هەوڵ دەدەن بە درۆ و چەواشەكاری، خەڵك بۆ چوونە سەر سندووقەكانی دەنگدان سارد بكەنەوە، ئەو وتارە ورەی پێ بەخشین كە لە هەوڵە نەزۆكەكانیان سەركەوتوو نەبن و شكست بێنن، پارتی وێستگەی خەبات و شەمەندەفەری گرانبەها و زۆری هەیە، ڕابردووی تێكۆشانی پێشمەرگایەتی بووە و داهاتووشی قەوارەیەكی سەربەخۆی سەرفراز و دیموكرات و ئاسوودەیە، ئەمڕۆش بۆ بەهێزكردنی پارتی دیموكراتی كوردستان كە ئەویش بەهێزتربوونی پێگەی هەرێمی كوردستان و گرەنتی و دڵنیاییە .

پارتی دیموكراتی كوردستان، میراتهەڵگر و ئەمانەتداری شۆڕش و راپەڕینەكانی كورد و كوردستان بووە، تا بە ئەمڕۆ دەگات ئامرازێك بووە بۆ بەدیهێنانی مافی ڕەوای گەلەكەمان و پاراستنی دەستكەوتەكانی میلەتەكەمان، بێگومان هەر بەو بەرزییەش دەمێنێتەوە و ڕۆژ لە دوای ڕۆژ باڵا دەكات، ڕەگوڕیشەی خۆی بە ناو جەماوەری كورد دادەكوتێ، ئەوەشیان گەورەترین سەروەرییە، ئەركی هەموومانە جارێكی تر دەنگی خۆمان بەو قوتابخانە و رێبازە پڕ سەربڵندییە بدەین.