سبه‌ی پاره‌ی گه‌نمی جووتیاران دابه‌ش ده‌كرێ و وه‌زاره‌تی بازرگانی و پیشه‌سازی حكوومه‌تی كوردستان داوا له جووتیاران ده‌كات بچن پارهكانیان وه‌ربگرن.
ئه‌مڕۆ سێشه‌م 16ی ئاب، وه‌زاره‌تی بازرگانی و پیشه‌سازی ئاگاداری ئه‌و جووتیارانه‌ی كرده‌وه كه گه‌نمیان راده‌ستی سایلۆی هه‌ولێر كردووه، پێویسته سبه‌ی سه‌ردانی سایلۆ بكه‌ن به مه‌به‌ستی وه‌رگرتنی چه‌كی 2022.
"ئه‌و جووتیارانه‌ی ژماره‌ی چه‌كه‌كانیان له (1427) ده‌ست پێ ده‌كات تا ژماره (1631)، ده‌توانن له‌و واده‌یه‌ی دیاریكراوه چه‌كی پارهكانیان له سایلۆی هه‌ولێر وه‌ربگرن" وه‌زاره‌تی بازرگانی و پیشه‌سازی وای گوتووه.
یه‌كێك له كاره له پێشینه‌كانی حكوومه‌تی هه‌رێمی كوردستان، گرنگیدانه به ژێرخانی ئابووری و جووتیارانی كوردستان تا وه‌ك ساڵانی زوو به‌رهه‌مه‌كانیان به‌هه‌ده‌ر نه‌چێت.