ئەمڕۆ باڵەخانەیەكی چوار نهۆمی لە ناوەندی بەغدا رووخا، بەهۆیەوە چەندان كەس گیانیان لە دەست داوە.
پێگەی "
شەفەق نیوز" ئەمڕۆ شەموو یەكی تشرینی یەكەم بڵاوی كردووەتەوە، بەڕێوەبەرایەتیی بەرگریی شارستانی ئەمڕۆ رای گەیاندووە، باڵەخانەیەك كە لە چوار نهۆم پێكهاتووە، لە گەڕەكی كەڕادە بە تەواوی رووخاوە و بەهۆیەوە قوربانی هەیە.
عەمید جەودەت عەبدولڕەحمان كە بەڕێوەبەری پێوەندییەكان و راگەیاندنی بەرگریی شارستانییە و رای گەیاندووە، باڵەخانەكە كە لە چوار نهۆم پێكهاتووە، كەوتووەتە گەڕەكی كەڕادە لە نزیكی چێشتخانەی قەدووری.
ئەوەشی گوت كە تیمەكانی بەرگریی شارستانی بە پەلە گەیشتوونەتە شوێنی رووداوەكە و هەوڵی لێقەوماوانی رووداوەكە دەدەن. باس تەنیا گوتوویەتی بەهۆیەوە قوربانی هەیە.
لەلایەكی ترەوە رۆژنامەی "ئەلسەباح"یش بڵاوی كردووەتەوە، بەهۆی رووخانی باڵەخانەكە، بەلای كەمەوە 13 كەس گیانیان لە دەست داوە.