کاروانێ چێکرنا پرۆژان ل سنورێ هەردوو دەڤەرداریێن بەردەڕەش و ئاکرێ پشتی سەرەدانا مەسروور بارزانی بۆ دەڤەرێ بەردەوامە، ئەڤڕۆ ژی ب کوژمێ نێزیکێ سێ ملیار دیناران چەند پرۆژە چونە دوارێ بجهئینانێ دا.
بەردەوامیدان ب گەهاندنا پرۆژێن خزمەتگوزاری بو هەموو دەڤەران ئەڤرۆ ژی پارێزگارێ دهۆکێ چەند رێڤەبەرێن پەیوەندیدار بەرێبنیاتی بو چند پرۆژان ل هەردوو دەڤەران دانا و گوت، ل دووڤ راسپاردێن، سەروک بارزانی و سەروکێ حکومەتا هەرێما کوردستانێ بێ جوداهی دێ پرۆژێن خزمەتگوزاری بو هەموو گوند وناوچەداری و دەڤەرداریا گەهینین ول ئایندەکێ نێزیک دووبارە دێ سەرەدانا ڤێ دەڤەرێ کەین وکومەکا دی یا پرۆژا بجهئینین.
پرۆژێن کو دێ هێنە چێکرن و بەرێبنیاتی بۆ هاتیەدانان، پکدهێن ژ چێکرن وقێرکرنا رێکا گوندێ بامشمش ل سنورێ ناوچەداریا بجێل ل دەڤەرداریا ئاکرێ ب کوژمێ (312) ملیون دیناران، دانانا بەرێ بنیاتی بو چێکرن وقێرکرنا رێکا گوندێ کەلاتێ ل ناوچەداریا بجێل ل دەڤەرداریا ئاکرێ ب کوژمێ (647) ملیون دیناران، هەردوو پرۆژە ل سەر بودجا سندوقا پەرەپێدانا جڤاکی وب رێکا بەنکا نیڤ دەولەتی وب هەڤکاری دگەل پارێزگەها دهۆکێ ب کوژمێ (959) ملیون دینارا دێ هێنە ئەنجامدان.
دیسان دانانا بەرێبنیاتی بو چێکرن و قێرکرنا رێکا گوندێ ئیسماوا ل سنورێ ل دەڤەرداریا بەردەرەش ب کوژمێ (378) ملیون دیناران، دانانا بەرێبنیاتی بو چێکرنا بنگەهەکێ ساخلەمیێ ژ جورێ (C) ل گوندێ دوو گوندان ل بەردەرەش ب کوژمێ (172) ملیون دیناران، دانانا بەرێبنیاتی بو چێکرن وقێرکرنا رێکا گوندێ شێخانوکا سورچیا ل سنورێ ل دەڤەرداریا بەردەرەش ب کوژمێ (497) ملیون دیناران، دانانا بەرێبنیاتی بو چێکرن وقێرکرنا رێکا گوندێ کەونەبانک ل سنورێ ل دەڤەرداریا بەردەرەش ب کوژمێ (340) ملیون دیناران، دانانا بەرێبنیاتی بو ئاڤاکرنا قوتابخانەکا( 9 ) رێزی ل گوندێ ئیسماوا وزێدەکرنا سێ پولا ل سەر قوتابخانا گوندێ دووگوندان و سێ پولێن دی ل سەر قوتابخانا گوندێ شێخانوکا سورچیا ل سنورێ دەڤەرداریا بەردەرەش ب کوژمێ (532) ملیون دیناران، دانانا بەرێبنیاتی بو چێکرن وقێرکرنا رێکا گوندێ دوو گوندان ل سنورێ دەڤەرداریا بەردەرەش ب کوژمێ (313) ملیون دیناران، هەموو پرۆژە ل سەر بودجا سندوقا پەرەپێدانا جڤاکی وب رێکا بەنکا نیڤ دەولەتی وب هەڤکاری دگەل پارێزگەها دهۆکێ ب گوژ نێزیکی (3) ملیار دینارا دێ هێنە ئەنجامدان.
ئاکرێ، نەوزاد هلۆری.