بەرپرسێكی بزوتنەوەی گۆڕان ڕای دەگەیەنێت، لە كۆبوونەوەی ئەمڕۆ گفتوگۆ لەسەر یاسای چاكسازی كرا و بنەمای چوونی گۆڕانیش بۆ ناو حكوومەت چاكسازیی بووە لەگەڵ پارتی.
ئەمڕۆ پێنجشەم نۆی تەمووز، دلێر عەبدولقادر ڕێكخەری ژووی ڕۆژنامەوانی گۆڕان گوتی، لە كۆبوونەوەی ئەمڕۆ گفتوگۆ لەسەر مووچە و دۆخی هەرێمی كوردستان كرا و تیمی بزووتنەوەی گۆڕانیش لە حكوومەت بەشدار بوون.
ئێمە بەپێی ڕێككەوتنێك لەگەڵ پارتی لەسەر بنەمای چاكسازی لە حكوومەتین
باسی لەوەش كرد، ئێمە گفتوگۆمان كرد لەسەر بنەمای یاسای چاكسازی و یەكسانی لە مووچە باس كران، چونكە ئێمە بەپێی ڕێككەوتنێك لەگەڵ پارتی لەسەر بنەمای چاكسازی لە حكوومەتین.
ڕوونی كردەوە، ئێمە دەمانەوێت گلەیی خەڵك نەمێنێت و دۆخی ژیانی هاووڵاتییان باش بكرێت، ئەمەیش ئامانجی ئێمەیە بۆیە ڕاپۆرتێك لەلایەن ژوورەكان بۆ هەموو كایەكانی ژیان ئامادە دەكرێت.
پێشتر جڤاتی گشتی و باژێڕوانەكانی گۆڕان كۆبوونەوە و چەند بڕیار و راسپاردەكەیان ئاراستەی جڤاتی نیشتمانی گۆڕان كرد.
لە ماوەی رابردوو رێکخەری گشتی بزووتنەوەی گۆڕان لەگەڵ هێز و لایەنە سیاسییەكانی هەرێمی كوردستان کۆ بوویەوە، لە کۆبوونەوەکەی لەگەڵ پارتی دیموكراتی كوردستان یاسای چاکسازی حکوومەتی هەرێم تاوتوێ کرا.