ب مه‌ره‌ما پشته‌ڤانیكرنا زاروكان و هاریكاریكرنا وان، كچه‌كا باژێرێ دهۆكێ بناڤێ (سولینا یٔێڤێ) كه‌مپینا 999 گرنژین راگه‌هاند، بریاره دده‌ما هه‌یڤه‌كێ دا بودجه‌ییه‌كا باش بو كه‌لوپه‌لێن خوه‌پاراستنێ بۆ زاروكان ب تایبه‌تى قوتابیان دابین بكه‌ن داكو ژ ڤایرۆسا كۆرۆنایێ بهێنه پاراستن.
سولینا یٔێڤێ ، گۆت، ب مه‌ره‌ما خزمه‌ت و هاریكاریكرنا زاروكان، یٔه‌وان كه‌مپینه‌ك ل سه‌رانسه‌رێ كوردستانێ بناڤێ كه‌مپینا 999 گرنژین راگه‌هاند.
زێده‌تر گۆت "د نوكه دا هژماره‌كا زۆرا خێزانان ل كوردستانێ و دهۆكێ ژى دیسان دناڤا كه‌مپان ژى دا شیان نینن هه‌موو پێدڤیێن خوه پاراستنێ بۆ زاروكێن خوه بكرن، له‌وا یٔه‌ڤ كه‌مپینه ب رێیا پشكداریكرنا كه‌سانێن زه‌نگین و ده‌ست ڤه‌كرى وه‌كو چالنك ل سه‌ر تورێن جڤاكى هێنه پشكداركرن و ڤه‌كرن، پشكاربوویێن كه‌مپینێ دشێن راسته‌وخو هاریكاریێن خوه بگه‌هینن ده‌ستێ مه یان ژى دشێن ب رێیا یٔه‌پلیكه‌یشنا فاستپه‌ى پشكداربن كو یٔه‌وان ژى هه‌ماهه‌نگى ل گه‌ل كه‌مپینا مه هه‌یه"
یٔێڤێ د درێژاهیا یٔاخفتنێن خودا دیاركر ژى كو یٔه‌و دێ ب دیزاینه‌كا جوان و رێك و پێك ماسكا دروست كه‌ن داكو نه‌هێته فروتن و زێده‌تر گۆت "ماسك و ده‌ستكێش و كحول دێ هێنه دابینكرن، بریاره ده‌ستپێكێ دده‌ما هه‌یڤه‌كێ دا، دناڤبه‌را 15 هزار بۆ 20 هزار ماسك بهێنه به‌رهه‌ڤكرن و دابه‌شكرن ل سه‌ر زاروكان ب تایبه‌تى قوتابیان كو نوكه ل ناڤه‌ندێن په‌روه‌رده‌ى دخوینن"
دوهى بلندترین رێژا تووشبوون ب كۆرۆنایێ ل عیراق و كوردستانێ ل باژێرێ دهۆكێ هاته توماركرن كو ئه‌و ژى 438 كه‌س بوون، نوكه ل هه‌رێما كوردستانێ 58 هزار و 277 كه‌س تووشى كۆرۆنایێ بوینه و 2060 كه‌س ژى مرنه، ژ وان 16 هزار و 271 تووشبوو و 350 مرن دكه‌ڤنه دهۆكێ.