پولیسێن پارێزگەها دهۆکێ دیارکر کولسەر سکالا هژمارەکا وەلاتیان ئەوان دەست ب دوڤچونێ کر، پاشان شیان باندەکێ ژنان بگرن کو ب کارێ دزیێ رادبوون.
هێمن سلێمان، بەرپرسێ راگەهاندنا رێەەرییا گشتییا پولیسین پارێزگەها دهۆکێ بو "وشە" گوت، پشتی دوڤچونەکا زور ژلایێ پولیسێن نەهێلانا تاوانان ل دهۆکێ ل سەر سکالایێن چەند کەسان، دوماهیێ شیان باندەکێ تاوانباران بگرن.
زێدەتر گوت، ئەو باندە هەموو ژن بوون و دەوروبەرێن کەرکوکێ هاتینە دهۆکێ و ب کارێ دزیێ رادبوون ب تایبەتی دزینا چاندە و موبایلێن ژنان، ل گەل دزینا پارێن دکانداران ل دهۆک وزاخۆ.
ناڤبری دیارکر ژی کو وان ژنان دان ب تاوانا خوە کریە و هاتینە رەوانەکرن بو دادگەهێ و گوت ژی، داخوازێ ل وەلاتیان دکەین کو ئاگەهدارێ خوە بن و هەر تشتەکێ وان هەبیت دشێن بگەهینن پولیسان داکو مافێ وان نەهێتە خوارن، دیسان هەر کەسێ پارە و کەلوپەلێن وان هاتبنە دزین دشێن سکالایێ تومار کەن داکو پێرابونێن ئەڤ باندێ دزیکەرا دژوارتر بیت.
دهۆک/ نەوزاد هلۆری