رێڤەبەریا گشتی یا كاروبارێن مین و تەقەمەنیان ل پارێزگەها دهوكێ د چەند چالاكیان دا 91 پارچەیێن مین و تەقەمەنیان ل دهوك و زاخۆ ژناڤبرن.
رێگر شافی، بەرپرسێ راگەهاندنا رێڤەبەریا گشتی یا كاروبارێن مین و تەقەمەنیان ل پارێزگەها دهوكێ بۆ "وشە" گۆت: (وەكو رێڤەبەریا گشتی یا كاروبارێن مین و تەقەمەنیان ل پارێزگەها دهوكێ ل سەر دوڤچون و دیتن و ژناڤبرنا پارچەیێن مین و چەك و تەقەمەنیان بەردەوامین داكو چو مەترسی ل سەر گیانێ وەلاتیان دروست نەبیت).
زێدەتر گۆت: (دوهی 23 چریا ئێكێ 2022ێ تیما ژناڤبرنا مین و تەقەمەنیا EOD ب چاڤدێریا پشكا دلنیایی یا جوری، 78 پارچەیێن مین و تەقەمەنیان كو پێكهاتبون ژ 13 گولە توپێت 120ملم. و 16گولە هاونێن 82 ملم و حەغت گولە هاونێن 62 ملم و 12 مینێن V69 و 22 مینێن دژە كەسی و هەشت گولەیێن ژ ورێ RPG ل سنورێ گوندێ ڕەشێ یا سەر ب ناحیا زاویتە ژناڤبرن، دیسان ل ژلایێ پاسەوانێن سنوری هەڤكاری ل گەل تیما رێڤەبەریا مە یا ژناڤبرنا مین و تەقەمەنیان 12 پارچەیێن مینێن دژە كەسی ل سنورێ زاخۆ هاتنە ژناڤبرن).
ناڤبری دیاركر ژی كو هەر وەلاتیەكێ پارچەكا مین و تەەمەنیان ببینیت ب زوترین دەم تیمێن وان ئاگەهداڕ بكەن داكو بشێن ئەوێ مەترسیێ ل سەر گیانێ وەلاتیان راكەن و نەهێلێن.
پێشتر ژی چەندین جارا مین و تەقەمەنی ل سنورێ پارێزگەها دهۆكێ هاتینە ژناڤبرن، پتریا وان ژی دزڤرن بۆ سەدەمێ رێما بەعس.