بڕیارە ئەمڕۆ كۆڕبەندی ئاشتی و ئاسایشی رۆژهەڵاتی ناوەڕاست لە زانكۆی ئەمەریكی-كوردستان لە دهۆك بەڕێوە بچێت، لەو كۆڕبەندەدا چەندان كەسایەتیی هەرێمی كوردستان و عێراق بەشداری دەكەن.
ئەمڕۆ پێنجشەم 17ـی تشرینی دووەم، بڕیارە كۆڕبەندی ئاشتی و ئاسایشی رۆژهەڵاتی ناوەڕاست لە زانكۆی ئەمەریكی-كوردستان لە دهۆك بەڕێوە بچێت.
لەتیف رەشید سەرۆك كۆماری عێراق، نێچیرڤان بارزانی سەرۆكی هەرێمی كوردستان، مەسروور بارزانی سەرۆك وەزیرانی هەرێمی كوردستان و نوێنەری 80 وڵات لە كۆڕبەندەكەدا بەشداری دەكەن.
لە كۆڕەبەندەكەدا زنجیرەیەك پانێل لەبارەی پرسەكانی ئاشتی و ئاسایش لە رۆژهەڵاتی ناوەڕاست ئەنجام دەدرێن.
كۆڕبەندی ئاشتی و ئاسایشی رۆژهەڵاتی ناوەڕاست لە زانكۆی ئەمەریكی-كوردستان لە دهۆك، ساڵانە ئەنجام دەدرێ و بە سەتان سیاسی و كەسایەتیی حكوومی بەشداریی تێدا دەكەن، لەو كۆڕبەندە بۆچوونی خۆیان لەبارەی دواین پرس و پێشهاتە سیاسی و تەناهییەكان دەخەنەڕوو.