پارێزگارێ دهۆکێ کۆمبوونەک ل چەل لژنا گەشەپێدان و پشتگریکرنا پیشەسازی ئەنجامدا و ئەرد بو چێکرنا 17 کارگەهێن پێشەسازی هاتە تەرخانکرن
ملەت عسمەت، سکرتێرێ روژنامەڤانیێ پارێزگەها دهۆکێ دیارکر کو دکۆمبوونێدا دانوستاندن لدۆر پرۆژێن بۆ لژنێ هاتینە پێشکێشکرن و هەلسەنگاندنا وان بریارهاتەدان بۆ تەرخانکرنا ئەردی بۆ هەڤدە وگوت، کارگەهێن نوو دبیاڤێن قێرێ شێل، بەرهەمئینانا شەربەتان، چێکرنا بەرهەمێن پلاستیکی، جلوبەرگان، بەرهەمئینانا قالبێن ئاڤاهیان، چێکرنا ساڤاری و داگرتنا هەمی جۆرێن ئاهێن خارنێ، داگرتنا بتلێن غازا شل، چێکرنا بوریێن ئاسنی، بەرهەمئینانا فلینێ دیکورێن خانیا، بوریێن ئاسنی، بەرهەمێن خارنێ یێن بەستیکری و بەرهەمئینانا بەفرێ پێکدهێن.
ب گورەی زانیاریێن وشە کو ژ کومبونێ دەستئێخستنە، پارێزگارێ دهۆکێ و سەرۆکێ لژنا گەشەپێدان و پشتگریکرنا پیشەسازی دۆپاتی ل پشتگریکرنا درۆستکرنا کارگەهان و بەرهەمێن خۆمالی و پەیداکرنا دەلیڤێن کاری کرن کوبریارە ل نێزیک ئەڤ هەموو کارگەهە بهێنە چێکرن و تێدا سەدان دەلیڤێن کاری دێ بو گەنجان هێنە دابینکرن.
ل پارێزگەها دهۆکێ نێزیکێ دوو هزار کارگەهێن مەزن و ناڤنجی و بچوک د وارێن جودا هەنە، هزاران کەس تێدا کار دکەن.