لە پەڕەكانی سۆشیال میدیای ئێراندا، ڤیدیۆی تەنێكی فڕیوی رووناك بڵاو كراوەتەوە كە بۆ یەكەمجارە لەسەر شاری ئەهواز ببنیرێت و تا ئێستە نەزانراوە چییە.
بەپێی ئاژانسی هەواڵی "جماران"ی ئێرانی كە كورتە هەواڵێكی لەبارەی ئەم ڤیدیۆیە بڵاو كردبووەوە هاتووە، تەنە نامۆیە سپییە بریسكەدارەكە لە ئاسمانی ئەهواز و عێراقن لە نزیك خوزستان بینراوە، بە جۆرێك لەسەرەتا لە ئەهواز تێبینی كرا و دواتر بەرەو بواری ئاسمانیی عێراق كەوتە ڕێ و دواتریش دیار نەما.
جێگەی ئاماژەیە، ئاژانسی هەواڵی "جماران" تاكە ئاژانسی هەواڵی فەرمییە كە تا ئێستە ڤیدیۆی ئەم تەنە نامۆیە بریسكدارە فڕیوەی بڵاو كردبێتەوە و هیچ زانیارییەكیشی لەبارەی ڤیدیۆكە بڵاو نەكردووەتەوە بەهۆی نەبوونی زانیارییەوە.
جێگەی ئاماژەیە، دوێنی شەو لەكاتی بەرەبەیاندا سەعات "2:40ی بەرەبەیان بەكاتی هەولێر" ڤیدیۆكە بڵاو كراوەتەوە لەلایەن ئاژانسەكە و بۆ نزیكەی 15 سەعات دەچێت بەسەر بڵاوكردنەوەی ڤیدیۆكەدا، بەڵام هیچ زانیارییەكی پێویست دوای ڤیدیۆكە لە هیچ میدیایەكی ئێرانی یا میدیای ترەوە رانەگەیەنراون و تا ئێستە نازانن تەنە نامۆیە فریوەكە چی بووە.
كلیك لێرە بكە بۆ بینینی ڤیدیۆكە..