به ئاماده‌بوونی سه‌رپه‌رشتیاری ئیداره‌ی سه‌ربه‌خۆی سۆران، یه‌كه‌مین فێستیڤاڵی گژوگیا به‌هارییه‌كان له پاركی گوڵان به‌ڕێوه چوو.
چالاكییه‌كانی فێستیڤاڵ له‌لایه‌ن به‌ڕێوه‌به‌رایه‌تی گشتی كشتوكاڵی سۆران ئاماده‌كاری بۆ كرابوو، دوای گوتاری سه‌رپه‌رشتیاری ئیداره‌ی سه‌ربه‌خۆی سۆران، چه‌ند سمینارێك سه‌باره‌ت به گرنگی گژوگیا به‌هارییه‌كان و پاراستنیان و رۆڵیان له چاره‌سه‌ریه ته‌ندروستییه‌كان ئه‌نجام دران.
چه‌ندان گژوگیای به‌هاره‌ی سنووری ئیداره‌ی سه‌ربه‌خۆی سۆران له فێستیڤاڵه‌كه‌دا نمایش كرابوون.
سۆران/ سدقی كوێستانی