هاندەرێك لەنێو یاریگە داوای هاوسەرگیری لە شارابۆفا دەكات

ماریا شارابۆفای تێنسكاری رووسی لە كاتی یاریكردندا لەگەڵ تێنسكاری توركی چاگلا بویوك تووشی دۆخێكی نەخوازراو بووەوە.

لەنێو یاریگە هاندەرێكی لاوی توركی كە هاتبوو بۆ دیتنی یارییەكە، هاواری كرد و داوای هاوسەرگیری لە شارابۆفا كرد.

هاندەرەكە هاواری كرد "ماریا هاوسەرگیریم لەگەڵ دەكەی".

لە وەڵامیشدا شارابۆفا سەرێكی لەقاند و گوتی "لەوانەیە".

جێی باسە شارابۆفا لە یارییەكەدا سەركەوتنی بەسەر ركابەرە توركەكەی بەدەستهێنا بە دوو كۆمەڵەی بێ بەرامبەر بە ئەنجامی  7-6 و 6-0، یارییەكەش لە شاری ئەستەمبۆڵی توركیا هاتبووە ئەنجامدان.