كۆمپانیای هۆندا یه‌كێكه له باشترین و به‌ناوبانگترین كۆمپانیاكان له دنیادا كه بنكه‌ی سه‌ره‌كیان ده‌كه‌وێته وڵاتی ژاپۆن بۆ ساڵی 2018 نوێترین و یه‌كێك له به‌هێزترین پیكابه‌كانی خسته بازاره‌كانه‌وه.
به‌پێی هه‌واڵیك كه له ماڵپه‌ڕی "
thecarconnection" دا بڵاو كراوه‌ته‌وه و باس له نوێترین به‌رهه‌می كۆمپانیای هۆندا ده‌كات و ده‌ڵێت، كۆمپانیای هۆندای ژاپۆنی له ساڵی 2018 دا پیكابێكی نوێ جۆری"Ridgeline" ی به‌شێوازێكی به‌هێز و ناوازه دروست كردووه و خستوویه‌ته بازاره‌كانی دنیاوه، ئه‌م كۆمپانیایه پیكابه‌كه‌ی به‌شێوازێكی زۆر سه‌رنجڕاكێشانه دیزاین كردووه و هێزێكی زۆری بۆ داناوه بۆیه بووته جێگای سه‌رنجی كریارانی ئه‌م جۆره پیكابانه.
كۆمپانیای هۆندا له‌باره‌ی تایبه‌تمه‌ندییه‌كانی ئه‌م پیكابه‌وه ده‌ڵێت، ئه‌م پیكابه خاوه‌ن تایبه‌تمه‌ندیی ناوازه‌یه و به‌شێوه‌یه‌كی زۆر ناوازه دروست كراوه و دیزاینێكی جوانیان بۆ داناوه، جگه له‌وه‌یش ئه‌م ئۆتۆمبێله هێزێكی زۆری هه‌یه و بزوێنه‌رێكی بههێزی له‌سه‌ره كه هێزه‌كانی ده‌گاته هێزی 650 ئه‌سپ و بزوێنه‌ره‌كه‌ی 3.5 لیترییه و هه‌شت پستۆنه.
كۆمپانیاكه ئه‌وه‌شی روون كردووه‌ته‌وه كه ئه‌م ئۆتۆمبێله خاوه‌ن هه‌شت گێره و بزوێنه‌رێكی بههێزی هه‌یه و به شێوازێكی به‌هێز دروست كراوه به دیزاینێكی جیاوازه‌وه، هه‌روه‌ها ده‌رباره‌ی نرخه‌كه‌شی كۆمپانیاكه ده‌ڵێت، نرخی ئه‌م ئۆتۆمبێله ده‌گاته 29 هه‌زار و 730 دۆلاری ئه‌مه‌ریكی.