نهێنی.. ریال مەدرید یاریزانە نوێیەكەی بەرشەلۆنەی رەت كردبووەوە

:: AM:10:10:29/07/2018 ‌

یانەی بەرشەلۆنەی ئیسپانی هەفتەی رابردوو توانی هێرشبەری بەڕازیلی مالكۆم لە چنگی یانەی رۆمای ئیتاڵی دەربێنێ و لە دواساتەكاندا بە 41 ملیۆن یۆرۆ گرێبەستی لەگەڵ بكات.

رۆژنامەی (ئاس)ی ئیسپانی نهێنییەكی لەسەر ئەم هێرشبەرە نوێیەی یانەی بەرشەلۆنە ئاشكرا كرد و رایگەیاند كە داوا لە یانەی ریال مەدرید كرابوو گرێبەستی لەگەڵ بكات.

رۆژنامەكە هەروەها ئاشكرای كرد: كیا گورابگیانی بەڕێوەبەری كارەكانی مالكۆم بەڕەسمی داواكاری ئەم یاریزانەی خستبووە بەردەمی بەرپرسانی یانەی ریال مەدرید و مانچستەر یونایتدی ئینگلیزی.

بەرپرسانی یانەی ریال مەدرید رەتیان كردبووەوە گرێبەست لەگەڵ مالكۆم بكەن بەهۆی ئەوەی چەند یاریزانێكیان هەیە بەهەمانشێوازی ئەو یاری دەكەن لەوانە گاریس بێڵ و ماركۆ ئەسینسیۆ.

یانەی رۆما چەند رۆژێك پێش ئێستا ئاشكرای كردبوو كە لەگەڵ یانەی بۆردۆی فڕەنسی رێككەوتوون سەبارەت بە گواستنەوەی مالكۆم، بەڵام لە دواساتەكاندا یانەی بەرشەلۆنە توانی گرێبەستی یاریزانەكە بەدەستبێنێ و لە چنگی یانە ئیتاڵییەكە دەری بێنێ.



وشە - ئامانج ئه‌كره‌م

ئه‌م بابه‌ته 929 جار خوێنراوه‌ته‌وه‌‌